ਚੋਹਲਾ ਸਾਹਿਬ,20 ਨਵੰਬਰ

gofwzdo u'jbk,oke/P pktk 

ਕਬੱਡੀ ਦੇ ਅੰਤਰਰਾਸ਼ਟਰੀ ਖਿਡਾਰੀ ਸੁਖਮਨ ਚੋਹਲਾ ਜੋ ਪਿਛਲੇ ਦਿਨੀਂ ਅਚਾਨਕ ਦਿਲ ਦਾ ਦੌਰਾ ਪੈਣ ਕਰਕੇ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਆਖ ਗਿਆ ਸੀ ਦੀ ਹੋਈ ਇਸ ਬੇਵਕਤੀ ਮੌਤ ਤੇ ਅਫਸੋਸ ਪ੍ਰਗਟ ਕਰਨ ਲਈ ਅੱਜ ਸ੍ਰੋਮਣੀ ਅਕਾਲੀ ਦਲ ਦੇ ਮੀਤ ਪ੍ਰਧਾਨ ਸ: ਰਮਨਦੀਪ ਭਰੋਵਾਲ ਸੁਖਮਨ ਚੋਹਲਾ  ਦੇ ਗ੍ਰਹਿ ਵਿਖੇ ਪਹੁੰਚੇ। ਸ: ਭਰੋਵਾਲ ਨੇ ਸੁਖਮਨ ਦੇ ਪਿਤਾ ਏ.ਐਸ.ਆਈ  ਕੁਲਵੰਤ ਸਿੰਘ ਅਤੇ ਤਾਇਆ ਸਬ-ਇੰਸਪੈਕਟਰ ਮਨਮੋਹਨ ਸਿੰਘ ਨਾਲ ਦੁੱਖ ਪ੍ਰਗਟਾਉਂਦੇ ਹੋਏ ਕਿਹਾ ਕਿ ਸੁਖਮਨ ਇਕ ਵਿਅਕਤੀ ਨਹੀਂ ਬਲਕਿ ਇਕ ਸੰਸਥਾ ਸੀ,ਜਿਸ ਦੀ ਖੇਡ ਤੋਂ ਪ੍ਰਭਾਵਿਤ ਹੋ ਕੇ ਸੈਂਕੜੇ ਨੌਜਵਾਨਾਂ ਨੇ ਕਬੱਡੀ ਖੇਡ ਨੂੰ  ਅਪਣਾਇਆ ਤੇ ਆਪਣੇ ਇਲਾਕਿਆਂ ਦਾ ਨਾਮ ਰੋਸ਼ਨ ਕਰ  ਰਹੇ ਹਨ। ਸ: ਭਰੋਵਾਲ ਨੇ ਕਿਹਾ ਕਿ ਸੁਖਮਨ ਛੋਟੀ ਉਮਰ ਵਿੱਚ ਵਿਛੋੜਾ ਦੇ ਗਿਆ ਪਰ ਇਸ ਨੇ ਆਪਣੀ ਮਿਹਨਤ ਤੇ ਖੇਡ ਸਦਕਾ ਅਜਿਹਾ ਮੁਕਾਮ ਹਾਸਲ ਕਰ ਲਿਆ ਕਿ ਉਸ ਦਾ ਨਾਮ ਖੇਡ ਜਗਤ ਚ ਧਰੂ ਤਾਰੇ ਦੀ ਤਰਾਂ ਹਮੇਸ਼ਾ ਚਮਕਦਾ ਰਹੇਗਾ।ਇਸ ਮੌਕੇ ਉਨ੍ਹਾਂ ਨਾਲ ਸ੍ਰੋਮਣੀ ਅਕਾਲੀ ਦਲ ਦੇ ਜਿਲ੍ਹੇ ਦੇ ਸੀਨੀਅਰ ਮੀਤ ਪ੍ਰਧਾਨ ਭੁਪਿੰਦਰ ਸਿੰਘ ਟੀਟੂ, ਤਰਸੇਮ ਸਿੰਘ ਛਾਪੜੀ, ਡਾ ਨਿਸ਼ਾਨ ਸਿੰਘ ਭਰੋਵਾਲ, ਬਲਜੀਤ ਸਿੰਘ ਫਤਿਆਬਾਦ ਆਦਿ ਹਾਜ਼ਰ ਸਨ।