ਝੂਠਿਆਂ ਦੇ ਸ਼ਹਿਰ ਚ
Mon 12 Mar, 2018 0
ਸੱਚ ਦਾ ਹੋਕਾ ਸੁਣ ਕੇ ਆਇਆ
ਝੂਠਿਆਂ ਦੇ ਸ਼ਹਿਰ ਚ
ਵਾਦਿਆਂ ਨਾਲ ਝੋਲੀ ਭਰ ਕੇ ਆਇਆ
ਝੂਠਿਆਂ ਦੇ ਸ਼ਹਿਰ ਚ
ਸੌਂਹ ਖਵਾਈ ਮੈਨੂੰ ਰਖਾ ਕੇ ਹੱਥ
ਪਵਿਤਰ ਗ੍ਰੰਥ ਉੱਤੇ
ਮੈਂ ਝੂਠ ਨੂੰ ਸੱਚ ਕਰਕੇ ਆਇਆ
ਝੂਠਿਆਂ ਦੇ ਸ਼ਹਿਰ ਚ
ਮੈਂ ਪਾਕ ਦਾਮਨ ਹਾਂ!
ਦੇਖ ਮੇਰੇ ਸਫ਼ੇਦ ਕੱਪੜੇ
ਸਵੇਰੇ ਹੀ ਲਾਲ ਤੇ ਸਫੇਦ ਚੜਾ ਕੇ ਆਇਆ
ਝੂਠਿਆਂ ਦੇ ਸ਼ਹਿਰ ਚ
ਬੇਗੁਨਾਹ ਕੌਣ ਗੁਨਾਹਗਾਰ ਕੌਣ
ਕੀ ਵਾਸਤਾ ਮੈਨੂੰ
ਰਾਹ ਦਾ ਰੋੜਾ ਸੀ ਹਟਾ ਕੇ ਆਇਆ
ਝੂਠਿਆਂ ਦੇ ਸ਼ਹਿਰ ਚ
ਹੋਣ ਕਿਹੋ ਜਿਹੇ ਵੀ ਹਾਲਤ
ਤੇਰੇ ਨਾਲ ਹਾਂ ਨਾਲ ਹੀ ਰਹੁੰਗਾ
ਗਲ ਨਾਲ ਲਾ ਦਿਲਾਸਾ ਦੇ ਕੇ ਆਇਆ
ਝੂਠਿਆਂ ਦੇ ਸ਼ਹਿਰ ਚ
ਚੀਰਦੀ ਜਾਂਦੀ ਸੀ ਨਜ਼ਰ ਉਸਦੀ
ਉਸਦੇ ਜਿਸਮ ਵਿਚੋਂ
ਔਰਤ ਦੀ ਇੱਜਤ ਦਾ ਫੁਰਮਾਨ ਸੁਣ ਕੇ ਆਇਆ
ਝੂਠਿਆਂ ਦੇ ਸ਼ਹਿਰ ਚ
ਮੇਰੇ ਚਿਹਰੇ ਪਿਛਲਾ ਚਿਹਰਾ
ਮੈਂ ਢੱਕ ਦਿੱਤਾ ਬੜੀ ਸਫ਼ਾਈ ਨਾਲ
ਦੁਨੀਆਂ ਨੂੰ ਸ਼ੀਸ਼ਾ ਦਿਖਾ ਕੇ ਆਇਆ
ਝੂਠਿਆਂ ਦੇ ਸ਼ਹਿਰ ਚ
ਕਿਹੜੇ ਮੁੱਲ ਵਿਕਦੀ ਹੈ ਮੁਹੱਬਤ
ਹੈ ਖਾਰੀਦਾਰ ਕੌਣ
ਜਿਸਮਾਂ ਦਾ ਮੁੱਲ ਪਾ ਕੇ ਆਇਆ
ਝੂਠਿਆਂ ਦੇ ਸ਼ਹਿਰ ਚ
ਤੇਰੀ ਮੁਸਕਰਾਹਟ ਵਿੱਚ ‘ਦੀਪ’
ਕੁਝ ਅਜੀਬ ਸੁੰਨਾਪਨ ਹੈ
ਬੁੱਲ੍ਹਾਂ ਤੇ ਮੁਸਕਾਨ ਸਜਾ ਕੇ ਆਇਆ
ਝੂਠਿਆਂ ਦੇ ਸ਼ਹਿਰ ਚ…
ਸਨਦੀਪ…
9463661542
Comments (0)
Facebook Comments (0)