ਖੋਖਲਾ ਜਿਹਾ ਹੋ ਗਿਆ ਏ ਜਿਹਨ ਮੇਰਾ-------ਸਰਬਜੀਤ ਕੌਰ ਹਾਜੀਪੁਰ

Thu 13 Jun, 2019 0
ਖੋਖਲਾ ਜਿਹਾ ਹੋ ਗਿਆ ਏ ਜਿਹਨ ਮੇਰਾ-------ਸਰਬਜੀਤ ਕੌਰ ਹਾਜੀਪੁਰ

ਖੋਖਲਾ ਜਿਹਾ ਹੋ ਗਿਆ ਏ ਜਿਹਨ ਮੇਰਾ-------ਸਰਬਜੀਤ ਕੌਰ ਹਾਜੀਪੁਰ

ਖੋਖਲਾ ਜਿਹਾ ਹੋ ਗਿਆ ਏ ਜਿਹਨ ਮੇਰਾ
ਸੋਚਾਂ ਦੀ ਛੱਲ ਨਾ ਕੋਈ ਉਡਾਰੀ ਮਾਰਦੀ ਏ. .

ਮੇਰੇ ਹੀ ਸ਼ਬਦ ਮੈਨੂੰ ਮਿਹਣੇ ਮਾਰਦੇ ਨੇ
ਕਲਮ ਵੀ ਮੇਰੀ ਮੈਨੂੰ ਫਟਕਾਰਦੀ ਏ. . . .

ਸੋਕਾ ਪੈ ਗਿਆ ਏ ਸਿਆਹੀ ਦੀ ਦਵਾਤ ਚ
ਨਾ ਬੰਦ ਪਈ ਕਿਤਾਬ ਅਵਾਜ਼ਾਂ ਮਾਰਦੀ ਏ. .

ਕੋਰੇ ਕਾਗਜ਼ਾਂ ਦੇ ਉੱਤੇ ਕਿੰਝ ਲਿਖੇ ਕਲਮ 
ਚੁੱਪ ਨੇ ਲਫਜ ਨਾ ਸਤਰ ਕੋਈ ਹੁੰਗਾਰਦੀ ਏ. .

ਮੇਰੀ ਕਲਮ ਨੂੰ ਮੇਰੀ ਹੀ ਨਜਰ ਲੱਗ ਗਈ ਏ
ਮੇਰੀ ਹੀ ਰਚਨਾ ਮੈਨੂੰ ਹੀ ਨਿਕਾਰਦੀ ਏ. . .

ਖੋਖਲਾ ਜਿਹਾ ਹੋ ਗਿਆ ਏ ਜਿਹਨ ਮੇਰਾ
ਸੋਚਾਂ ਦੀ ਛੱਲ ਨਾ ਕੋਈ ਉਡਾਰੀ ਮਾਰਦੀ ਏ!!

ਸਰਬਜੀਤ ਕੌਰ ਹਾਜੀਪੁਰ 
ਸ਼ਾਹਕੋਟ