ਚੰਡੀਗੜ੍ਹ :

ਅੱਜ ਵੀ ਕਈਂ ਵਿਦਿਆਰਥੀ ਅਜਿਹੇ ਹਨ ਜੋ ਜਿਨ੍ਹਾਂ ਦੇ ਪਰਵਾਰ ਦੀ ਆਰਥਿਕ ਹਾਲਤ ਚੰਗੀ ਨਹੀਂ ਹੈ ਅਤੇ ਉਹ ਕਿਤਾਬਾਂ ਖਰੀਦ ਕੇ ਨਹੀਂ ਪੜ ਸਕਦੇ। ਇੰਜ ਹੀ ਵਿਦਿਆਰਥੀਆਂ ਦੀ ਮਦਦ ਦਾ ਬੀੜਾ ਚੁੱਕਿਆ ਹੈ ਚੰਡੀਗੜ ਦੇ 27 ਸਾਲਾ ਸੰਦੀਪ ਕੁਮਾਰ ਨੇ। ਸੰਦੀਪ ਓਪਨ ਆਈ ਫਾਉਂਡੇਸ਼ਨ ਨਾਮ ਦੀ ਇੱਕ ਐਨਜੀਓ ਚਲਾਉਂਦੇ ਹਨ। ਉਨ੍ਹਾਂ ਨੇ ਸਰਕਾਰੀ ਸਕੂਲਾਂ, ਕਾਲਜਾਂ ਅਤੇ ਝੁੱਗੀਆਂ ਵਿੱਚ ਜਾ ਕੇ ਵਿਦਿਆਰਥੀਆਂ ਦੀ ਪਹਿਚਾਣ ਕਰਨੀ ਸ਼ੁਰੂ ਕੀਤੀ, ਜੋ ਕਿਤਾਬਾਂ ਖਰੀਦ ਨਹੀਂ ਸਕਦੇ ਸਨ ਅਤੇ ਉਨ੍ਹਾਂ ਦੀ ਮਦਦ ਕਰਨ ਲੱਗੇ। ਦੋ ਸਾਲ ਵਿੱਚ ਉਨ੍ਹਾਂ ਨੇ 50,000 ਤੋਂ ਜ਼ਿਆਦਾ ਕਿਤਾਬਾਂ ਇਕੱਠੀਆਂ ਕੀਤੀਆਂ।

ਸੰਦੀਪ ਨੇ ਦੱਸਿਆ, ਭਿਵਾਨੀ ‘ਚ ਮੇਰੇ ਜੇਬੀਟੀ ਅਧਿਆਪਨ ਦੇ ਦਿਨਾਂ ਦੌਰਾਨ, ਮੈਂ ਪਾਇਆ ਕਿ ਆਰਥਿਕ ਰੂਪ ਤੋਂ ਕਮਜੋਰ ਪਰਿਵਾਰਾਂ ਦੇ ਬੱਚਿਆਂ ਦੇ ਕੋਲ ਕਿਤਾਬਾਂ ਖਰੀਦਣ ਲਈ ਸਾਧਨ ਨਹੀਂ ਸਨ। ਜਦੋਂ ਮੈਂ ਵਾਪਸ ਚੰਡੀਗੜ ਆਇਆ, ਤਾਂ ਮੈਨੂੰ ਕਈ ਸਰਕਾਰੀ ਸਕੂਲਾਂ ‘ਚ ਅਜਿਹੀ ਹੀ ਹਾਲਤ ਮਿਲੀ। ਮੈਂ ਇੱਕ ਪ੍ਰੋਫੈਸਰ ਦੇ ਸੰਪਰਕ ‘ਚ ਆਇਆ ਅਤੇ ਤਿੰਨ ਦਿਨਾਂ ਲਈ ਸੈਕਟਰ 11 ਦੇ ਇੱਕ ਸਰਕਾਰੀ ਕਾਲਜ ‘ਚ ਇੱਕ ਸਟਾਲ ਲਗਾਉਣ ਦੀ ਆਗਿਆ ਮੰਗੀ। ਕੈਂਪ ਵਿੱਚ, ਮੈਂ ਵਿਦਿਆਰਥੀਆਂ ਅਤੇ ਫ਼ੈਕਲਟੀ ਮੈਬਰਾਂ ਨੂੰ ਅਜਿਹੀਆਂ ਕਿਤਾਬਾਂ ਦਾਨ ਕਰਨ ਨੂੰ ਕਿਹਾ ਜਿਨ੍ਹਾਂ ਦੀ ਉਨ੍ਹਾਂ ਨੂੰ ਹੁਣ ਲੋੜ ਨਹੀਂ ਸੀ।

ਹਰ ਕੋਈ ਲੈ ਸਕਦਾ ਹੈ ਕਿਤਾਬ

ਇਸ ਪਹਿਲ ਤੋਂ ਬਾਅਦ ਸੰਦੀਪ ਦੇ ਕਦਮ ਨਹੀਂ ਰੁਕੇ ਅਤੇ ਉਨ੍ਹਾਂ ਨੇ ਆਪਣੇ ਨਾਲ ਦੋ ਸੌ ਤੋਂ ਜ਼ਿਆਦਾ ਵਲੰਟੀਅਰਜ਼ ਨੂੰ ਜੋੜਿਆ।  ਇਹ ਵਲੰਟੀਅਰਜ਼ ਘਰ-ਘਰ ਜਾ ਕੇ ਕਿਤਾਬਾਂ ਇਕੱਠੀਆਂ ਕਰਦੇ ਹਨ ਅਤੇ ਗ਼ਰੀਬ ਬੱਚਿਆਂ ‘ਚ ਵੰਡ ਦਿੰਦੇ ਹਨ। ਸੰਦੀਪ ਨੇ ਦੱਸਿਆ ਕਿ ਉਨ੍ਹਾਂ ਦਾ ਦਫ਼ਤਰ ਸੈਕਟਰ 39 ਬੀ ‘ਚ ਹੈ। ਉੱਥੇ ਕੋਈ ਵੀ ਆ ਕੇ ਕਿਤਾਬ ਲੈ ਸਕਦਾ ਹੈ। ਕਿਤਾਬਾਂ ਦੇਣ ਤੋਂ ਪਹਿਲਾਂ ਇੱਥੇ ਵਿਅਕਤੀਆਂ ਨੂੰ ਇੱਕ ਫ਼ਾਰਮ ਭਰਨ ਦੀ ਬੇਨਤੀ ਕੀਤੀ ਜਾਂਦੀ ਹੈ। ਉਨ੍ਹਾਂ ਨੂੰ ਇਸ ਗੱਲ ਦਾ ਭਰੋਸਾ ਲਿਆ ਜਾਂਦਾ ਹੈ ਕਿ ਉਹ ਆਪਣੀ ਜਰੂਰਤ ਪੂਰੀ ਹੋਣ ਤੋਂ ਬਾਅਦ ਕਿਤਾਬਾਂ ਵਾਪਸ ਕਰ ਦੇਣਗੇ।

ਖਾਲੀ ਪੰਨਿਆਂ ਨਾਲ ਬਣਾਉਂਦੇ ਹਨ ਕਾਪੀਆਂ

ਸੰਦੀਪ ਦੀ ਸੰਸਥਾ ਲੋਕਾਂ ਤੋਂ ਖਾਲੀ ਪੰਨੇ ਵੀ ਇਕੱਠੇ ਕਰਦੀ ਹੈ ਅਤੇ ਉਨ੍ਹਾਂ ਨੂੰ ਜੋੜ ਕੇ ਨੋਟਬੁੱਕ ਬਣਾਉਂਦੀ ਹੈ। ਇਹ ਨੋਟਬੁੱਕ ਵੀ ਗਰੀਬਾਂ ਦੇ ਵਿੱਚ ਵੰਡੀ ਜਾਂਦੀ ਹੈ। ਭਿਵਾਨੀ ‘ਚ ਇੱਕ ਕਾਰ ਸੇਵਾ ਸਟੇਸ਼ਨ ਦੇ ਮਾਲਕ ਸੰਦੀਪ ਨੇ ਕਿਹਾ ਕਿ ਉਨ੍ਹਾਂ ਦੇ ਕੋਲ ਸਮਰੱਥ ਪੈਸਾ ਹੈ ਤਾਂਕਿ ਉਹ ਇਸ ਦਿਸ਼ਾ ਵਿੱਚ ਕੁਝ ਕਰ ਸੱਕਦੇ ਹਨ। 

ਕਿਤਾਬਾਂ ਰੱਖਣ ਲਈ ਦਫ਼ਤਰ ਪਿਆ ਛੋਟਾ

ਇੱਕਮਾਤਰ ਚੁਣੋਤੀ ਸਾਂਝੀ ਕਰਦੇ ਹੋਏ ਉਹ ਕਹਿੰਦੇ ਹਨ ਕਿ ਉਨ੍ਹਾਂ ਦਾ ਦਫ਼ਤਰ ਛੋਟਾ ਹੈ। ਇਸਦਾ ਨਤੀਜਾ ਇਹ ਹੁੰਦਾ ਹੈ ਕਿ ਵਲੰਟੀਅਰਜ਼ ਨੂੰ ਕਿਤਾਬਾਂ ਆਪਣੇ ਘਰ ਵਿੱਚ ਲੈ ਜਾ ਕੇ ਰੱਖਣੀਆਂ ਪੈਂਦੀਆਂ ਹਨ। ਲੋਕ ਹੁਣ ਅਜਿਹੇ ਦਫ਼ਤਰ ਦੀ ਭਾਲ ਕਰ ਰਹੇ ਹਨ ਜਿੱਥੇ ਸਾਰੀ ਕਿਤਾਬਾਂ ਇਕੱਠੀਆਂ ਰੱਖ ਹੋ ਜਾਣ।