ਅਲਫਾਜ਼ ਏ ਮੁਹੱਬਤ :- ਪ੍ਰੀਤ ਰਾਮਗੜ੍ਹੀਆ

Sat 8 Dec, 2018 0
ਅਲਫਾਜ਼ ਏ ਮੁਹੱਬਤ :- ਪ੍ਰੀਤ ਰਾਮਗੜ੍ਹੀਆ

 

ਅਲਫਾਜ਼ ਏ ਮੁਹੱਬਤ 

 

ਪੈੜਾਂ ਦੇ ਨਿਸ਼ਾਨ ,

ਰੂਹ ਮੇਰੀ ਤੇ ਅੱਜ ਵੀ ਨੇ ।

ਲੈ ਗਏ ਚਾਹੇ ਸਾਰੀਆਂ ਨਿਸ਼ਾਨੀਆਂ,

ਉਹ ਜਾਂਦੇ - ਜਾਂਦੇ....।

 

ਖੁਸ਼ਬੂ ਬਣ ਕੇ ,

ਵਸੇ ਸੀ ਸਾਹਾਂ ਵਿਚ ।

ਰੁਕਿਆ ਨਾ ਹਾਸਾ ,

ਤੁਰ ਗਏ ਨਜ਼ਰਾਂ ਝੁਕਾ ।

ਸ਼ਿਕਵਾ ਨਹੀਂ ਸੀ ਕੋਈ ,

ਉਹਦੀ ਜੁਦਾਈ ਦਾ ,

ਕਿਉਂਕਿ ! ਖੁਸ਼ ਸੀ ਉਹ ,

ਸਾਨੂੰ ਛੱਡ ਕੇ..... ।

 

ਅਲਫਾਜ਼ ਮੇਰੇ ਗੀਤ ਤੇਰੇ ਬਣਾਉਂਦੇ ਆ ,

ਖੁਸ਼ੀ ਤੇਰੇ ਵਿਹੜੇ ਦੀ ਚਾਹੁੰਦੇ ਆ ,

ਮੁੜ ਸਾਰ ਨਾ ਲਈਂ ਤੂ ਮੇਰੀ ,

ਬੰਦ ਨੇ ਰਸਤੇ ਸਾਰੇ ,

ਜਿਹੜੇ ਵਾਪਿਸ ਮੇਰੇ ਵੱਲ ਆਉਂਦੇ ਆ... ।

 

ਸੁਰਖ ਖਾਬ ਦਿਖਾ ਕੇ ,

ਢਾਹੀਂ ਨਾ ਕਿਸੇ ਹੋਰ ਦਿਲ ਦੀ ਢੇਰੀ ,

ਇਸ਼ਕ ਰੱਬੀ ਰੂਪ ਇਬਾਦਤ ,

ਬਦਨਾਮ ਨਾ ਕਰੀਂ ,

ਭੱਠੀ ਸੁਆਰਥ ਦੀ ਵਿਚ ਪਾ ਕੇ.... ।

 

" ਪ੍ਰੀਤ " ਦੱਸ ਕੋਈ ਰਾਹ ,

ਦਸਤਕ ਨਾ ਦੇਵੇ ਕੋਈ ,

ਦਿਲ ਦੇ ਦਰਵਾਜ਼ੇ ਤੇ ਕੋਈ ਆ ਕੇ ।

ਬਚ ਦਿਲਾ ਦੁਨੀਆ ਮਤਲਬੀ ਤੋਂ ,

ਐਂਵੇਂ ਨਾ ਕਰਿਆ ਕਰ ਪਿਆਰ ,

ਜਜ਼ਬਾਤਾਂ ਦੇ ਘੇਰੇ ਵਿਚ ਆ ਕੇ ।

 

                        ਪ੍ਰੀਤ ਰਾਮਗੜ੍ਹੀਆ 

                        ਲੁਧਿਆਣਾ, ਪੰਜਾਬ 

   ਮੋਬਾਇਲ : +918427174139

E-mail : Lyricistpreet@gmail.com