ਰੱਬ ਦਾ ਰੂਪ ਮਾਂ----- ਪ੍ਰੀਤ ਰਾਮਗੜ੍ਹੀਆ

Thu 14 Feb, 2019 0
ਰੱਬ ਦਾ ਰੂਪ ਮਾਂ----- ਪ੍ਰੀਤ ਰਾਮਗੜ੍ਹੀਆ

ਰੱਬ ਦਾ ਰੂਪ ਮਾਂ ਬਾਰੇ ਕੁਝ ਸਤਰਾਂ 

ਜੋ ਦੁਨੀਆ ਦੀ ਹਰ ਮਾਂ ਨੂੰ ਸਮਰਪਿਤ ਹਨ

 

ਲਫਜ਼ ਥੁੜ੍ਹ ਜਾਂਦੇ ਨੇ

ਕਿਵੇਂ ਲਿਖਾਂ ਤੇਰੇ ਬਾਰੇ

ਕੁਝ ਕੁ ਸ਼ਬਦਾਂ ਵਿਚ

ਕਿਵੇਂ ਕਰਾਂ ਵਡਿਆਈ 

ਤੇਰੇ ਪਿਆਰ ਦੀ ਮਾਏ

ਜਖ਼ਮ ਹੋਵੇ ਜੇ ਮੇਰੇ

ਦਰਦ ਤੂ ਸਹਾਰਦੀ ਏਂ

ਹਰ ਖੁਸ਼ੀ ਆਪਣੀ ਤੂ

ਮੁੱਖੜੇ ਮੇਰੇ ਤੇ ਨਿਹਾਰਦੀ ਏਂ.....

 

ਮਿਲੇ ਨਾ ਦੁਨੀਆ `ਚ ਕਿਤੇ

ਸਕੂਨ ਆਵੇ ਜੋ ਬੁੱਕਲ `ਚ ਤੇਰੀ

ਰੱਖੇਂ ਹੱਥ ਸਿਰ ਤੇ ਜਦ ਮੇਰੇ

ਲੱਗੇ ਜਿਵੇਂ ਰੱਬ ਦੇਵੇ ਦੁਆਵਾਂ

ਪਤਾ ਨਹੀਂ ਕਿਉਂ ਲੱਭਦੀ ਦੁਨੀਆ 

ਕਦੇ ਮੰਦਰਾਂ ਵਿਚ ਤੇ ਕਦੇ ਜੰਗਲਾਂ ਵਿਚ

ਰੱਬ ਤਾਂ ਮਿਲਿਆ ਮੈਨੂੰ

ਮਾਂ ਤੇਰੇ ਚਰਨਾਂ ਵਿਚ.....

 

ਆਖੇਂ ਪਿਆਰ ਨਾਲ ਮਾਏ

" ਪ੍ਰੀਤ " ਨਾਮ ਮੇਰਾ

ਦਿਲ ਕਰੇ ਜਗ ਤੇ ਰੌਸ਼ਨ 

ਕਰ ਦਿਆਂ ਨਾਮ ਤੇਰਾ

ਹਰ ਸੁੱਖ ਦੁਨੀਆ ਦਾ 

ਝੋਲੀ ਤੇਰੇ ਪਾ ਦਿਆਂ

ਹੋਣਾ ਨਾ ਤੇਰੇ ਵਰਗਾ ਕੋਈ

ਚਾਹੇ ਖੋਜ ਜਹਾਨ ਲਵਾਂ

 

                       ਪ੍ਰੀਤ ਰਾਮਗੜ੍ਹੀਆ 

                      ਲੁਧਿਆਣਾ, ਪੰਜਾਬ 

 ਮੋਬਾਇਲ : +918427174139

E-mail : Lyricistpreet@gmail.com