ਪ੍ਰਣਾਮ-------- ਪ੍ਰੀਤ ਰਾਮਗੜ੍ਹੀਆ
Sun 24 Mar, 2019 0
ਪ੍ਰਣਾਮ-------- ਪ੍ਰੀਤ ਰਾਮਗੜ੍ਹੀਆ
ਧਰਤ ਹਰਿਆਵਲ ਹੋਈ
ਖੂਨ ਡੋਲ੍ਹ ਸ਼ਹੀਦਾਂ ਦਾ
ਹਵਾ ਚ ਆਜ਼ਾਦੀ ਆਈ
ਸਾਹ ਖੋਹ ਸ਼ਹੀਦਾਂ ਦਾ
ਕੀ ਬੀਤੀ ਉਹਨਾਂ ਮਾਵਾਂ ਤੇ
ਝੂਲ ਗਏ ਪੁੱਤਰ ਜਿਨ੍ਹਾਂ ਦੇ ਫਾਂਸੀ
ਸੁਪਨੇ ਅੱਖਾਂ ਚ ਸੰਜੋ ਕੇ
ਦੇ ਗਏ ਮੁਲਕ ਦੀ ਚਾਬੀ....
ਬਚਪਨ ਤੋਂ ਸੀ ਦੇਖਿਆ ਸੁਪਨਾ
ਜਵਾਨੀ ਵੀ ਵਾਰ ਦਿੱਤੀ
ਕੌਮ ਪਿਆਰੀ ਸੀ ਜਾਨ ਤੋਂ ਜਿਆਦਾ
ਭਗਤ ਸਿੰਘ ਮੁਲਕ ਦੀ ਆਜ਼ਾਦੀ ਲਈ
ਜਿੰਦ ਆਪਣੀ ਕੁਰਬਾਨ ਕੀਤੀ.......
ਅੱਖਾਂ ਚ ਭਰਿਆ ਜੁਨੂੰਨ ਸੀ
ਗੋਰਿਆਂ ਨੂੰ ਭਜਾਉਣਾ ਮੂਲ ਸੀ
ਮਿੱਟੀ ਦਾ ਕਰਜ਼ ਚੁਕਾਉਣਾ ਜਰੂਰ ਸੀ
ਜਿੰਦ ਜਾਂਦੀ ਤਾਂ ਜਾਵੇ
ਝੰਡਾ ਅਜ਼ਾਦੀ ਦਾ ਲਹਿਰਾਉਣਾ
ਜਿੰਦਗੀ ਦਾ ਮਕਸਦ ਹਜ਼ੂਰ ਸੀ....
ਪਾ ਗਏ ਸ਼ਹੀਦੀਆਂ, ਅਣਖਾਂ ਨਾਲ
ਰੱਸਾ ਚੁੰਮ ਫਾਂਸੀ ਤੇ ਝੂਲ ਗਏ
ਪੁੱਛਣ ਜਿਹੜੇ , ਅੱਜ ਉਹ ਕੌਣ ਸੀ
ਆਉ ਦੱਸੀਏ ਉਹਨਾਂ ਨੂੰ
ਮਾਣ ਪੰਜਾਬ ਦਾ, ਜਦ ਸੀ ਉਹ ਵੰਗਾਰਦਾ
ਥਰ - ਥਰ ਕੰਬੇ ਵੈਰੀ , ਖੜ੍ਹੇ ਨਾ ਮੂਹਰੇ
ਸ਼ਹੀਦ ਏ ਆਜ਼ਮ ਭਗਤ ਸਿੰਘ
ਨਤ ਮਸਤਕ ਪ੍ਰਣਾਮ ਪੰਜਾਬ ਦਾ
ਪ੍ਰੀਤ ਰਾਮਗੜ੍ਹੀਆ
ਲੁਧਿਆਣਾ, ਪੰਜਾਬ
ਮੋਬਾਇਲ : +918427174139
E-mail : Lyricistpreet@gmail.com
Comments (0)
Facebook Comments (0)