ਪਿੰਡ ਕਾਲੇ ਨੇੜਿਉ ਅਣਪਛਾਤੇ ਨੌਜਵਾਨ ਦੀ ਲਾਸ਼ ਮਿਲੀ

Mon 25 Feb, 2019 0
ਪਿੰਡ ਕਾਲੇ ਨੇੜਿਉ ਅਣਪਛਾਤੇ ਨੌਜਵਾਨ ਦੀ ਲਾਸ਼ ਮਿਲੀ

ਭਿੱਖੀਵਿੰਡ 25 ਫਰਵਰੀ (ਹਰਜਿੰਦਰ ਸਿੰਘ ਗੋਲ੍ਹਣ)-ਥਾਣਾ ਭਿੱਖੀਵਿੰਡ ਦੀ ਪੁਲਿਸ ਪਾਰਟੀ
ਨੇ ਪਿੰਡ ਕਾਲੇ ਨੇੜਿਉ ਇਕ ਅਣਪਛਾਤੇ ਨੌਜਵਾਨ ਦੀ ਲਾਸ਼ ਬਰਾਮਦ ਕੀਤੀ ਹੈ। ਘਟਨਾ ਸਥਾਨ
‘ਤੇ ਪਹੰੁਚੇਂ ਪੁਲਿਸ ਥਾਣਾ ਭਿੱਖੀਵਿੰਡ ਦੇ ਐਸ.ਐਚ.ੳ ਬਲਵਿੰਦਰ ਸਿੰਘ ਨੇ ਜਾਣਕਾਰੀ
ਦਿੰਦਿਆਂ ਦੱਸਿਆ ਕਿ ਪਿੰਡ ਕਾਲੇ ਦੇ ਸਰਪੰਚ ਸੁੱਚਾ ਸਿੰਘ ਨੇ ਟੈਲੀਫੋਨ ਰਾਂਹੀ ਸੂਚਨਾ
ਦਿੱਤੀ ਕਿ ਪਿੰਡ ਦੇ ਬੱਸ ਸਟੈਂਡ ਨੇੜੇ ਬਣੀਆਂ ਦੁਕਾਨਾਂ ਪਿੱਛੇ ਇਕ ਅਣਪਛਾਤੇ ਨੌਜਵਾਨ
ਦੀ ਲਾਸ਼ ਪਈ ਹੈ। ਉਹਨਾਂ ਨੇ ਕਿਹਾ ਕਿ ਲਾਸ਼ ਨੂੰ ਸਰਕਾਰੀ ਹਸਪਤਾਲ ਵਿਖੇ ਪੱਟੀ ਵਿਖੇ
ਭੇਜਿਆ ਜਾ ਰਿਹਾ ਹੈ, ਜਿਸ ਨੂੰ ਸ਼ਨਾਖਤ ਲਈ 72 ਘੰਟੇ ਹਸਪਤਾਲ ਵਿਖੇ ਰੱਖਣ ਤੋਂ ਬਾਅਦ
ਅਗਲੀ ਕਾਰਵਾਈ ਕੀਤੀ ਜਾਵੇਗੀ। ਦੱਸਣਯੋਗ ਹੈ ਕਿ ਮ੍ਰਿਤਕ ਵਿਅਕਤੀ ਦੀ ਉਮਰ 24-25 ਸਾਲ
ਦੇ ਕਰੀਬ, ਸਿਰ ਤੋਂ ਮੋਨਾ, ਚਿੱਟੀ ਪੈਂਟ, ਚਿੱਟੀ ਡੱਬੀਦਾਰ ਸ਼ਰਟ, ਸਲੇਟੀ ਫਿੱਕੇ ਰੰਗ
ਦੀ ਸਵੈਟਰ ਸ਼ਰਟ ਪਹਿਨੀ ਹੋਈ ਹੈ।