ਜੰਗ ਨਾ ਹੋਵੇ ਕਦੇ ਕਿਸੇ ਦੇਸ਼ --------- ਪ੍ਰੀਤ ਰਾਮਗੜ੍ਹੀਆ

Mon 4 Mar, 2019 0
ਜੰਗ ਨਾ ਹੋਵੇ ਕਦੇ ਕਿਸੇ ਦੇਸ਼ --------- ਪ੍ਰੀਤ ਰਾਮਗੜ੍ਹੀਆ

ਨਾ ਕਰੋ ਸਿਆਸਤਾਂ

ਨਾ ਖੇਡੋ , ਨਾਲ ਹਥਿਆਰਾਂ ਦੇ

ਹੁਕਮਰਾਨਾਂ ਕੁਝ ਨਹੀਂ ਜਾਣਾ

ਪੁੱਤ ਮਾਰੇ ਜਾਣੇ ਮਾਵਾਂ ਦੇ

ਸੁਹਾਗਣਾ ਦੇ ਉੱਜੜ ਜਾਣੇ ਸੁਹਾਗ

ਬੱਚੇ ਵਿਲਕਣਗੇ , ਪਿਤਾ ਦੀਆਂ ਛਾਵਾਂ ਨੂੰ

ਜੰਗ ਤੋਂ ਸਾਨੂੰ ਕੁਝ ਨਹੀਂ ਮਿਲਣਾ 

ਬਣੋ ਨਾ ਰਾਹੀ ਸ਼ਮਸ਼ਾਨਾਂ ਦੇ .....

 

ਸਰਹੱਦਾਂ ਤਾਈਂ ਨਾ ਰਹਿਣਾ ਜੰਗ ਨੇ

ਬੰਬ ਐਟਮੀ ਚੱਲਣਗੇ

ਵਹਿੰਦੇ ਜਿਥੇ ਪੰਜ ਦਰਿਆਈ ਪਾਣੀ

ਖੂਨ ਦੇ ਹੜ੍ਹ ਉਥੇ ਵਗਣਗੇ 

ਸੰਭਲ ਜਾਵੋ ਜੋ ਜੰਗ ਮੰਗਦੇ ਹੋ

ਕਿਤੇ ਸੁੰਨੇ ਵਿਹੜੇ ਨਾ ਹੋ ਜਾਵਣ.....

 

ਹਸਤੀ ਮਿਟ ਜਾਊ ਇਨਸਾਨਾਂ ਦੀ

ਬੰਜਰ ਧਰਤੀ ਫਿਰ ਵੈਣ ਪਾਊ

ਨਾ ਕੋਈ ਵਾਹੁਣ ਵਾਲਾ

ਨਾ ਕੋਈ ਫਸਲ ਉਗਾਉਣ ਵਾਲਾ

ਪੰਜਾਬ ਸਾਰੇ ਦਾ ਸਾਰਾ

ਜੰਗ ਦੀ ਚੜ੍ਹ ਜਾਊ ਭੇਟ....

 

ਜਮੀਨ ਤੇ ਸਰਹੱਦਾਂ ਨਾਪਦੇ

ਭੁੱਲ ਨਾ ਜਾਇੳ ਗੱਲ ਨੇਕ

ਦੁਨੀਆ ਤੋਂ ਜਾਣਾ ਬੰਦਾ , ਇਕ ਦਿਨ ਹਰੇਕ

" ਪ੍ਰੀਤ " ਦਿਨ ਰਾਤ ਕਰੇ ਅਰਦਾਸਾਂ

ਜੰਗ ਨਾ ਹੋਵੇ , ਕਦੇ ਕਿਸੇ ਦੇਸ਼

 

                            ਪ੍ਰੀਤ ਰਾਮਗੜ੍ਹੀਆ 

                            ਲੁਧਿਆਣਾ, ਪੰਜਾਬ 

        ਮੋਬਾਇਲ : +918427174139

E-mail : Lyricistpreet@gmail.com