ਚੋਹਲਾ ਸਾਹਿਬ 14 ਅਗਸਤ (ਰਾਕੇਸ਼ ਬਾਵਾ,ਪਰਮਿੰਦਰ ਚੋਹਲਾ)
ਅੱਜ ਕਿਸਾਨ ਮਜ਼ਦੂਰ ਸਘੰਰਸ਼ ਕਮੇਟੀ ਪੰਜਾਬ ਦੇ ਜੋਨ ਬਾਬਾ ਗੁਰਦਿੱਤ ਸਿੰਘ ਕਾਮਾ ਗਾਟਾ ਮਾਰੂ ਜੋਨ ਸਰਹਾਲੀ ਕਲਾ ਦੀ ਮੀਟਿੰਗ ਪ੍ਰਧਾਨ ਬਲਵਿੰਦਰ ਸਿੰਘ ਚੋਹਲਾ ਸਾਹਿਬ ਅਤੇ ਅਮਰਜੀਤ ਸਿੰਘ ਉਸਮਾ ਦੀ ਅਗਵਾਈ ਹੇਠ ਗੁਰਦੁਆਰਾ ਬਾਬਾ ਕੁੰਡਲ ਦਾਸ ਅਤੇ ਬਾਬਾ ਸਾਲ ਦਾਸ ਪਿੰਡ ਠੱਠੀਆਂ ਮਹੰਤਾਂ ਵਿਖੇ ਹੋਈ ।ਇਸ ਸਮੇਂ ਹਾਜਰੀਨ ਨੂੰ ਹਰਜਿੰਦਰ ਸਿੰਘ ਸ਼ਕਰੀ ਨੇ  ਸੰਬੋਧਨ ਕਰਦਿਆਂ ਦੱਸਿਆ ਕਿ 15  ਅਗੱਸਤ ਨੂੰ ਅਧੂਰੀ ਅਜ਼ਾਦੀ ਦਿਵਸ ਮਨਾਇਆ ਜਾਵੇਗਾ ਅਤੇ ਹਜ਼ਾਰਾਂ ਦੀ ਗਿਣਤੀ ਵਿੱਚ ਕਿਸਾਨ ਡੀ.ਸੀ.ਦਫ਼ਤਰਾਂ ਅੱਗੇ ਵੱਡੇ ਇਕੱਠ ਕਰਕੇ ਮੋਦੀ ਸਰਕਾਰ ਦਾ ਪੁਤਲਾ ਫੂਕਿਆ ਜਾਵੇਗਾ।ਉਹਨਾਂ ਕਿਹਾ ਕਿ  ਸਾਮ ਨੂੰ ਬਲਾਕ ਸਰਹਾਲੀ ਅਧੀਨ ਆਉਂਦੇ ਵੱਖ ਵੱਖ ਪਿੰਡਾਂ ਵਿੱਚ ਕੈਂਡਲ ਮਾਰਚ ਕੱਢਿਆ ਜਾਵੇਗਾ ਅਤੇ ਦੇਸ ਨੂੰ ਆਜ਼ਾਦ ਕਰਵਾਉਣ ਵਾਲੇ ਸ਼ਹੀਦਾਂ ਨੂੰ ਯਾਦ ਕੀਤਾ ਜਾਵੇਗਾ। ਇਸ ਮੌਕੇ ਤੇ ਕੋਰ ਕਮੇਟੀ ਦੇ ਆਗੂ ਅਤੇ ਪਿੰਡਾਂ ਦੇ ਪ੍ਰਧਾਨ ਸਕੱਤਰ ਅਤੇ ਨੋਜਵਾਨ  ਵੀਰ  ਵੱਡੀ ਗਿਣਤੀ ਵਿੱਚ ਹਾਜ਼ਰ ਸਨ।ਇਸ ਸਮੇਂ ਗਿਆਨ ਸਿੰਘ ਨਿੱਕਾ ਚੋਹਲਾ,ਗੁਰਭੇਜ਼ ਸਿੰਘ ਸਰਹਾਲੀ,ਰਣਜੀਤ ਸਿੰਘ,ਰਣਜੀਤ ਸਿੰਘ ਬਿੱਲਿਆਂ ਵਾਲਾ,ਹਰਪਿੰਦਰ ਸਿੰਘ ਠੱਠੀਆਂ,ਕੁਲਵੰਤ ਸਿੰਘ,ਸੁਖਦੇਵ ਸਿੰਘ ਕੈਰੋਂ,ਅਜਮੇਰ ਸਿੰਘ ਕੈਰੋਂ,ਕੁਲਜੀਤ ਸਿੰਘ ਉਸਮਾਂ ਆਦਿ ਹਾਜ਼ਰ ਸਨ।