ਚੋਹਲਾ ਸਾਹਿਬ 4 ਮਾਰਚ (ਰਾਕੇਸ਼ ਬਾਵਾ,ਪਰਮਿੰਦਰ ਚੋਹਲਾ)
ਹਲਕਾ ਖਡੂਰ ਸਾਹਿਬ ਤੋਂ ਕਾਂਗਰਸ ਪਾਰਟੀ ਦੇ ਮਜੂਦਾ ਵਿਧਾਇਕ ਰਮਨਜੀਤ ਸਿੰਘ ਸਿੱਕੀ ਵੱਲੋਂ ਅੱਜ ਆਪਣੇ ਕਰ ਕਮਲਾਂ ਨਾਲ ਬੱਸ ਸਟੈਂਡ ਚੋਹਲਾ ਸਾਹਿਬ ਦਾ ਉਦਘਾਟਨ ਕੀਤਾ ਗਿਆ।ਇਸ ਸਮੇਂ ਜਾਣਕਾਰੀ ਦਿੰਦੇ ਹੋਏ ਹਲਕਾ ਵਿਧਾਇਕ ਰਮਨਜੀਤ ਸਿੰਘ ਸਿੱਕੀ ਨੇ ਦੱਸਿਆ ਕਿ ਚੋਹਲਾ ਸਾਹਿਬ ਵਿਖੇ ਸਥਿਤ ਬੱਸ ਸਟੈਂਡ ਵਿੱਚ ਨਵੀਆਂ ਇੰਟਰਲਾਕ ਟਾਇਲਾਂ ਲਗਾਕੇ ਪੱਕਾ ਕਰ ਦਿੱਤਾ ਗਿਆ ਹੈ।ਉਹਨਾਂ ਕਿਹਾ ਕਿ ਸਵਾਰੀਆਂ ਦੇ ਬੈਠਣ ਲਈ ਜਲਦ ਹੀ ਵੱਡਾ ਸ਼ੈੱਡ ਬੱਸ ਸਟੈੱਡ ਚੋਹਲਾ ਸਾਹਿਬ ਵਿਖੇ ਬਣਾ ਦਿੱਤਾ ਜਾਵੇਗਾ।ਉਹਨਾਂ ਕਿਹਾ ਕਿ ਉਹ ਹਮੇਸ਼ਾਂ ਹਲਕੇ ਦੇ ਲੋਕਾਂ ਦੇ ਨਾਲ ਖੜ੍ਹੇ ਹਨ ਅਤੇ ਉਹਨਾਂ ਵੱਲੋਂ ਹਲਕੇ ਦੇ ਹਰ ਪਿੰਡ ਦਾ ਵਿਕਾਸ ਜੰਗੀ ਪੱਧਰ ਤੇ ਕਰਵਾਇਆ ਗਿਆ ਹੈ ਅਤੇ ਰਹਿੰਦੇ ਵਿਕਾਸ ਕਾਰਜ ਜਲਦ ਨੇਪਰੇ ਚਾੜ੍ਹ ਦਿੱਤੇ ਜਾਣਗੇ।ਇਸ ਸਮੇਂ ਸਰਪੰਚ ਲਖਬੀਰ ਸਿੰਘ ਲੱਖਾ ਪਹਿਲਵਾਨ ਚੋਹਲਾ ਸਾਹਿਬ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਪੱਤੀ ਸਹਿਜਰੇ ਕੀ ਵਿਖੇ ਨਵਾਂ ਸ਼ਮਸ਼ਾਘਾਟ ਤਿਆਰ ਕਰਵਾ ਦਿੱਤਾ ਗਿਆ ਹੈ ਜਿੱਥੇ ਇੰਟਰਲਾਕ ਟਾਇਲਾਂ ਲਾਕੇ ਪੱਕਾ ਕਰ ਦਿੱਤਾ ਗਿਆ ਹੈ ਅਤੇ ਇਸਦੇ ਨਾਲ ਨਾਲ ਸ਼ਮਸ਼ਾਨਘਾਟ ਵਿੱਚ ਬੈਠਣ ਲਈ ਵਧੀਆ ਕੁਰਸੀਆਂ ਲਗਾਈਆਂ ਗਈਆਂ ਹਨ ਅਤੇ ਆਲੇ ਦੁਆਲੇ ਵੱਡੇ ਗਮਲਿਆਂ ਵਿੱਚ ਵੱਖ ਵੱਖ ਕਿਸਮ ਦੇ ਸੰੁਦਰ ਫੁੱਲ ਬੂਟੇ ਵੀ ਲਗਾ ਦਿੱਤੇ ਗਏ ਹਨ।ਉਹਨਾਂ ਕਿਹਾ ਕਿ ਬਲਾਕ ਚੋਹਲਾ ਸਾਹਿਬ ਵਿਖੇ ਵੱਖ ਵੱਖ ਪਿੰਡਾਂ ਦੀਆਂ ਪੰਚਾਇਤਾਂ ਨੂੰ ਹਲਕਾ ਵਿਧਾਇਕ ਰਮਨਜੀਤ ਸਿੰਘ ਸਿੱਕੀ ਦੀ ਹਾਜ਼ਰੀ ਵਿੱਚ ਜੂਸੀਆ ਸਰਟੀਫਿਕੇਟ ਵੰਡੇ ਗਏ ਹਨ।ਇਸ ਸਮੇਂ ਬਲਾਕ ਚੋਹਲਾ ਸਾਹਿਬ ਦੇ ਬੀ.ਡੀ.ਪੀ.ਓ.,ਮਾਰਕੀਟ ਕਮੇਟੀ ਨੌਸ਼ਹਿਰਾ ਪੰਨੂਆਂ ਦੇ ਚੇਅਰਮੈਨ ਰਵਿੰਦਰ ਸਿੰਘ ਸ਼ੈਟੀਂ,ਤਰਸੇਮ ਸਿੰਘ ਮੈਂਬਰ,ਬਲਵਿੰਦਰ ਸਿੰਘ ਮੈਂਬਰ,ਡਾਇਰੈਕਟਰ ਭੁਪਿੰਦਰ ਕੁਮਾਰ ਨਈਅਰ,ਪ੍ਰਵੀਨ ਕੁਮਾਰ ਕੁੰਦਰਾ ਮੈਂਬਰ,ਸੁੱਖਾ ਚੱਕੀ ਵਾਲਾ,ਜੱਜ ਮੈਂਬਰ ਪੰਚਾਇਤ,ਬੱਬੂ,ਸਤਨਾਮ ਸਿੰਘ ਫੌਜੀ ਸੀਮਿੰਟ ਵਾਲੇ,ਪਾਲ ਸਿੰਘ,ਦਾਰਾ ਸਿੰਘ ਨੰਬਰਦਾਰ,ਕਰਤਾਰ ਸਿੰਘ ਨੰਬਰਦਾਰ,ਗੁਰਵਿੰਦਰ ਸਿੰਘ ਮੈਂਬਰ,ਕੁਲਵੰਤ ਸਿੰਘ ਲਹਿਰ ਮੈਂਬਰ ਪੰਚਾਇਤ,ਗੁਰਚਰਨ ਸਿੰਘ ਮਸਕਟ ਆਦਿ ਹਾਜ਼ਰ ਸਨ।