ਕਵਿਤਾ *ਨਜ਼ਰਅੰਦਾਜ * ਲੇਖਕ : ਸਵਿੰਦਰ ਭੱਟੀ

Thu 9 Aug, 2018 0
ਕਵਿਤਾ *ਨਜ਼ਰਅੰਦਾਜ * ਲੇਖਕ : ਸਵਿੰਦਰ ਭੱਟੀ

 

 



ਸਿਰਫ਼ ਲਾਸ਼ ਹੀ ਨਹੀ ਦੱਬੀ ਜਾਂਦੀ 
ਬਹੁਤ  ਕੁਝ  ਦੱਬਿਆ  ਜਾਂਦਾ ਹੈ ਕਬਰ ਅੰਦਰ

ਕਾਰੋਬਾਰ ਬਣਿਆ ਧੀ ਦਾ ਪੰਜ ਜਣਿਆ ਹੱਥੋਂ ਰੁਲਣਾ
ਕਿੰਨਾਂ ਦਰਦ ਸਮੋਇਆ ਸੀ ਇੱਕ ਖ਼ਬਰ ਅੰਦਰ

ਉਨ੍ਹੇ ਜ਼ੁਲਮ ਦੀ ਇੰਤਹਾ ਹੀ ਕਰ ਦਿੱਤੀ
ਮੈਂ ਤਾਂ ਖੁਦ ਨੂੰ ਰੱਖਿਆ ਸੀ ਬੜਾ ਸਬਰ ਅੰਦਰ

ਜੋ ਨਹੀ ਹੋ ਸਕਦਾ ਕਿਸੇ ਕੀਮਤ ਤੇ
ਕਿੰਨਾ ਕੁਝ ਰੱਖਦਾ ਹੈ ਆਦਮੀ ਨਜ਼ਰ ਅੰਦਰ

ਸ਼ੱਕ ਦੇ ਦਾਇਰੇ 'ਚ ਹੈ ਮਾਣ ਸਨਮਾਨ ਕਰਨ ਵਾਲਾ
ਕੁਝ ਨਾ ਕੁਝ ਤਾਂ ਮਕਸਦ ਹੋਏਗਾ  ਕਦਰ ਅੰਦਰ

ਉਸਨੇ ਹੀ ਤੋੜਿਆ ਵਿਸ਼ਵਾਸ ਤੇ ਨਾਲੇ  ਖ਼ਾਬ ਸਾਡਾ 
ਜੋ ਰਹਿੰਦਾ ਹੈ ਦਿਲ ਦੀ ਹਰ ਸੱਧਰ ਅੰਦਰ

ਲੋਕ ਨਹੀ ਭੁੱਲਦੇ ਦੁਸ਼ਮਣੀ ਕਿਸੇ ਕੀਮਤ ਤੇ
ਬੇਸ਼ਕ ਲੱਖ ਫਸੇ ਹੋਣ ਭੰਵਰ ਅੰਦਰ


                             ਸਵਿੰਦਰ ਸਿੰਘ ਭੱਟੀ
                            9872989193