ਸ਼੍ਰੀਨਗਰ : ਹਿੰਦੁਸਤਾਨ ਗਣਤੰਤਰ ਦਿਵਸ ਦਾ ਜਸ਼ਨ ਮਨਾਉਣ ਵਿਚ ਲੱਗਿਆ ਹੈ ਅਤੇ ਅਤਿਵਾਦੀ ਕਸ਼ਮੀਰ ਘਾਟੀ ਵਿਚ ਅਪਣੀ ਨਾਪਾਕ ਕਰਤੂਤਾਂ ਨੂੰ ਅੰਜਾਮ ਦੇ ਰਹੇ ਹਨ। ਸ਼ਨੀਵਾਰ ਨੂੰ ਗਣਤੰਤਰ ਦਿਵਸ ਉਤੇ ਵੀ ਅਤਿਵਾਦੀਆਂ ਨੇ ਸੁਰੱਖਿਆ ਬਲਾਂ ਉਤੇ ਹਮਲੇ ਕੀਤੇ। ਜਿਸ ਵਿਚ ਸੀਆਰਪੀਐਫ ਦੇ ਪੰਜ ਜਵਾਨ ਜਖ਼ਮੀ ਹੋ ਗਏ। ਅਤਿਵਾਦੀਆਂ ਨੇ ਕਸ਼ਮੀਰ ਘਾਟੀ ਦੇ ਪੁਲਵਾਮਾ ਦੇ ਪੰਪੋਰ ਅਤੇ ਖਾਨਮੋ ਇਲਾਕੇ ਵਿਚ ਹਮਲੇ ਕੀਤੇ। ਅਤਿਵਾਦੀਆਂ ਨੇ SOG ਅਤੇ CRPF ਕੈਂਪ ਨੂੰ ਨਿਸ਼ਾਨਾ ਬਣਾਇਆ। ਇਸ ਤੋਂ ਬਾਅਦ ਸੁਰੱਖਿਆ ਬਲਾਂ ਨੇ ਅਤਿਵਾਦੀਆਂ ਦੇ ਵਿਰੁਧ ਜਵਾਬੀ ਕਾਰਵਾਈ ਸ਼ੁਰੂ ਕਰ ਦਿਤੀ।

Indian Army

ਗਣਤੰਤਰ ਦਿਵਸ ਦੀ ਸਵੇਰੇ ਤੱਕ ਦੱਖਣ ਕਸ਼ਮੀਰ ਦੇ ਪੁਲਵਾਮਾ ਵਿਚ ਅਤਿਵਾਦੀਆਂ ਅਤੇ ਸੁਰੱਖਿਆ ਬਲਾਂ ਦੇ ਵਿਚ ਮੁੱਠਭੇੜ ਜਾਰੀ ਰਹੀ। ਹੁਣ ਤੱਕ ਸੁਰੱਖਿਆ ਬਲਾਂ ਨੇ ਦੋ ਅਤਿਵਾਦੀਆਂ ਨੂੰ ਮਾਰ ਗਿਰਾਇਆ ਹੈ। ਇਸ ਤੋਂ ਪਹਿਲਾਂ ਇਨ੍ਹਾਂ ਅਤਿਵਾਦੀਆਂ ਦੀ ਗਿਣਤੀ 3 ਤੋਂ 4 ਦੱਸੀ ਜਾ ਰਹੀ ਸੀ। ਇਹ ਅਤਿਵਾਦੀ ਜੈਸ਼-ਏ-ਮੁਹੰਮਦ ਅਤਿਵਾਦੀ ਸੰਗਠਨ ਦੇ ਦੱਸੇ ਜਾ ਰਹੇ ਹਨ। ਇਹ ਅਤਿਵਾਦੀ ਗਣਤੰਤਰ ਦਿਵਸ ਉਤੇ ਕਿਸੇ ਵੱਡੀ ਵਾਰਦਾਤ ਨੂੰ ਅੰਜਾਮ ਦੇਣ ਦੀ ਤਿਆਰੀ ਵਿਚ ਸਨ।

Terrorist

ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਪਾਕਿਸਤਾਨ ਨੇ ਪੁੰਛ, ਰਾਜੌਰੀ ਸੈਕਟਰ ਅਤੇ ਸੁੰਦਰਬਨੀ ਸੈਕਟਰ ਸਮੇਤ ਲਾਈਨ ਆਫ ਕੰਟਰੋਲ (LoC) ਦੇ ਨੇੜੇ ਚਾਰ ਜਗ੍ਹਾਂ ਉਤੇ ਸੀਜ਼ਫਾਈਰ ਤੋੜਿਆ ਸੀ। ਇਨ੍ਹਾਂ ਇਲਾਕੀਆਂ ਵਿਚ ਸਰਹੱਦ ਪਾਰ ਤੋਂ ਫਾਇਰਿੰਗ ਕੀਤੀ ਗਈ ਸੀ ਅਤੇ ਮੋਟਾਰ ਦੇ ਗੋਲੇ ਦਾਗੇ ਗਏ ਸਨ। ਭਾਰਤੀ ਫ਼ੌਜ ਨੇ ਵੀ ਪਾਕਿਸਤਾਨ ਦੀ ਇਸ ਨਾਪਾਕ ਹਰਕਤ ਦਾ ਜਵਾਬ ਦਿਤਾ ਸੀ। ਸਰਹੱਦ ਉਤੇ ਬਰਫ਼ ਜਮੀ ਹੋਈ ਹੈ। ਪਰ ਫਿਰ ਵੀ ਪਾਕਿਸਤਾਨ ਦਾਖਲ ਅਤੇ ਸੀਜ਼ਫਾਈਰ ਉਲੰਘਣਾ ਜਾਰੀ ਹੈ।

Indian Army

ਪਾਕਿਸਤਾਨੀ ਫ਼ੌਜ ਨੇ ਬੁੱਧਵਾਰ ਰਾਤ ਨੂੰ ਵੀ ਪੁੰਛ ਜ਼ਿਲ੍ਹੇ ਦੇ ਮੇਂਢਰ ਸੈਕਟਰ ਦੀਆਂ ਚੌਕੀਆਂ ਉਤੇ ਗੋਲੀਬਾਰੀ ਕੀਤੀ ਸੀ। ਤੁਹਾਨੂੰ ਦੱਸ ਦਈਏ ਕਿ ਕਸ਼ਮੀਰ  ਘਾਟੀ ਉਤੇ ਫ਼ੌਜ ਨੇ ਅਤਿਵਾਦੀਆਂ ਦੇ ਵਿਰੁਧ ਆਪਰੇਸ਼ਨ ਆਲ ਆਊਟ ਚਲਾ ਕੇ ਰੱਖਿਆ ਹੈ। ਇਸ ਦੇ ਤਹਿਤ ਅਤਿਵਾਦੀਆਂ ਨੂੰ ਲਗਾਤਾਰ ਢੇਰ ਕੀਤਾ ਜਾ ਰਿਹਾ ਹੈ। ਬੁੱਧਵਾਰ ਨੂੰ ਭਾਰਤੀ ਸੁਰੱਖਿਆ ਬਲਾਂ ਨੇ ਬਾਰਾਮੂਲਾ ਵਿਚ ਲਸ਼ਕਰ-ਏ-ਤੋਇਬਾ ਦੇ 3 ਅਤਿਵਾਦੀਆਂ ਨੂੰ ਢੇਰ ਕਰਨ ਵਿਚ ਕਾਮਯਾਬੀ ਪਾਈ ਸੀ।