ਮੁਹੱਬਤ - ਪ੍ਰੀਤ ਰਾਮਗੜ੍ਹੀਆ

Tue 27 Nov, 2018 0
ਮੁਹੱਬਤ - ਪ੍ਰੀਤ ਰਾਮਗੜ੍ਹੀਆ

 

 

ਮੁਹੱਬਤ - ਪ੍ਰੀਤ ਰਾਮਗੜ੍ਹੀਆ

ਕਾਗਜ ਦੀ ਕਿਸ਼ਤੀ ਚ ਸਵਾਰ ਹੁੰਦੀ

ਮੁਹੱਬਤ ਏਨੀ ਲਾਪਰਵਾਹ ਹੁੰਦੀ

ਜਾਤਾਂ ਪਾਤਾਂ ਤੋਂ ਦੂਰ 

ਮਹਿਬੂਬ ਤੇ ਕੁਰਬਾਨ ਹੁੰਦੀ....


ਰੰਗ ਨਾ ਦੇਖਦੀ ਚਮੜੀ ਦਾ

ਦਿਲ ਨੂੰ ਦਿਲ ਦੀ ਰਾਹ ਹੁੰਦੀ

ਕੀ ਕਰਨੇ ਰਾਣੀ ਹਾਰ

ਮਹਿਬੂਬ ਬਣ ਜਾਂਦਾ ਸ਼ਿੰਗਾਰ.....


ਮੁਹੱਬਤ ਹੁੰਦੀ ਅਣਜਾਣ

ਜਗ ਦੀਆਂ ਰੀਤਾਂ ਦੀ ਨਾ ਪਰਵਾਹ ਹੁੰਦੀ

ਰੂਹ ਦੀ ਰੂਹ ਨਾਲ ਗੱਲਬਾਤ ਹੁੰਦੀ 

ਜਿਸਮ ਮੁੱਕ ਜਾਂਦਾ ਮੁੱਕ ਜਾਵੇ

ਮੁਹੱਬਤ ਦਰਗਾਹੀਂ ਪ੍ਰਵਾਨ ਹੁੰਦੀ.....


ਮੁਹੱਬਤ ਰੂਪ ਰੱਬ ਦਾ

ਇਲਾਹੀ ਇਬਾਦਤ ਦੀ ਰਾਹ ਹੁੰਦੀ

ਮੁਹੱਬਤ ਆਸ਼ਿਕਾਂ ਦੀ ਨਹੀਂ ਜਾਗੀਰ ਹੁੰਦੀ

ਦੁਨੀਆ ਫਿਰੇ ਰੱਬ ਲੱਭਦੀ

ਮੁਹੱਬਤ ਵਸਦੀ ਹਰ ਉਸ ਦਿਲ ਚ

ਰੱਬ ਪਾਉਣ ਦੀ ਜਿਸ ਨੂੰ ਚਾਹ ਹੁੰਦੀ

ਪ੍ਰੀਤ ਰਾਮਗੜ੍ਹੀਆ 
 ਲੁਧਿਆਣਾ, ਪੰਜਾਬ 
ਮੋਬਾਇਲ :  +918427174139
E-mail : Lyricistpreet@gmail.com