ਸੁਣਿਐ ਅੱਜਕਲ ਦੌਰ ਬਦਲ ਰਿਹਾ 

ਮੁਹੱਬਤ ਦਾ ਸਿਲਸਿਲਾ 

ਰਫ਼ਤਾਰ ਪਕੜ ਰਿਹਾ

ਅਜੋਕੇ ਯੁੱਗ ਦੀ ਮੁਹੱਬਤ ਵੀ ਅਜੋਕੀ

ਡਿਜੀਟਲ ਹੋ ਗਈ ਬਣੀ ਫੇਸਬੁੱਕੀ 

ਸੋਸ਼ਲ ਮੀਡੀਆ ਨੇ ਫੈਲਾ ਦਿੱਤੀ ਹਰ ਥਾਂ

ਪਰ ਹੋ ਗਈ ਅਵਧੀ ਮੁਹੱਬਤ ਦੀ ਹੁਣ ਛੋਟੀ .....

ਸੋਹਣੇ ਜਿਹੇ ਨਾਮ ਦੀ ਆਈ.ਡੀ. ਇਕ ਦੇਖੀ

ਮੁੰਡੇ ਗੱਭਰੂ ਨੇ ਮਿੱਤਰਤਾ ਦੀ ਰਿਕਵੈਸਟ ਝਟ ਭੇਜੀ

ਕੁਝ ਮਿੰਟਾਂ ਬਾਦ ਪ੍ਰਵਾਨਗੀ ਸੀ ਮਿਲ ਗਈ 

ਗੱਭਰੂ ਦੇ ਦਿਲ ਖਵਾਹਿਸ਼ ਸੀ ਖਿਲ ਗਈ

ਇਕ ਸੰਦੇਸ਼ ਵੀ ਝੱਟ ਸੀ ਆ ਗਿਆ 

ਹੈਲੋ ! ਕਹਿ ਸੀ ਉਹਨੇ ਬੁਲਾ ਲਿਆ......

ਚੱਲਦੇ ਰਹੇ ਆਰ ਵਿਹਾਰ ਜੀ

ਦਿਲ ਨਾ ਲੱਗੇ ਹੁਣ ਇਕ ਦੂਜੇ ਬਗੈਰ

ਗੱਭਰੂ ਨੇ ਮਿਲਣ ਦੀ ਖਵਾਹਿਸ਼ ਸੀ ਰੱਖਤੀ

ਉਹਨੇ ਸੀ ਕੁਝ ਦਿਨਾਂ ਤੇ ਗੱਲ ਰੱਖਤੀ 

ਚਾਹੀਦਾ ਹੈ ਪੈਸਾ ਥੋੜ੍ਹੀ ਮਜਬੂਰੀ ਆ

ਮਦਦ ਦੀ ਉਮੀਦ ਬਸ ਤੇਰੇ ਤੇ ਹੀ ਧਰੀ ਆ ....

ਗੱਭਰੂ ਤਾਂ ਸੀ ਇਸ਼ਕੇ ਦੀ ਸੱਟ ਖਾ ਗਿਆ

ਮਦਦ ਲਈ ਹੱਥ ਵਧਾ ਗਿਆ

ਕੁਝ ਕੁ ਦਿਨਾਂ ਦੀ ਗੱਲਬਾਤ ਤੋਂ ਬਾਦ

ਗੱਭਰੂ ਨੂੰ ਸੀ ਫੇਸਬੁੱਕ ਤੇ ਬਲਾਕ ਮਾਰਿਆ

ਪਤਾ ਨਹੀਂ ਕੁੜੀ ਸੀ ਜਾਂ ਸੀ ਕੋਈ ਮੁੰਡਾ

ਮੁਹੱਬਤ ਦਾ ਜਨੂੰਨ ਸੀ ਸਾਰਾ ਲਾਹ ਗਿਆ ......

4ਜੀ ਦੀ ਸਪੀਡ ਨਾਲ 

ਜਿਵੇਂ ਮੋਬਾਇਲ ਫੋਨ ਆ ਗਿਆ

ਮੁਹੱਬਤ ਰਹਿ ਗਈ ਨਾਮ ਦੀ, ਧੋਖਾ ਛਾ ਗਿਆ

ਸੋਸ਼ਲ ਮੀਡੀਆ ਦਾ ਨਾ ਕਰੋ ਦੁਰਉਪਯੋਗ 

"ਪ੍ਰੀਤ" ਲਿਖ ਥੋੜ੍ਹਾ ਸਮਝਾ ਗਿਆ

ਬਚੋ ਅਣਡਿੱਠੇ ਰਿਸ਼ਤਿਆਂ ਤੋਂ

ਮਜਬੂਤ ਕਰੋ ਪਰਿਵਾਰਿਕ ਰਿਸ਼ਤਿਆਂ ਨੂੰ

                            ਪ੍ਰੀਤ ਰਾਮਗੜ੍ਹੀਆ 

                           ਲੁਧਿਆਣਾ, ਪੰਜਾਬ 

          ਮੋਬਾਇਲ : +918427174139

E-mail : Lyricistpreet@gmail.com