ਜਗੇ ਹੋਏ ਦੀਵੇ-----ਸ਼ਾਇਰ ਭੱਟੀ
Wed 10 Jun, 2020 0
ਸਾਡੇ ਜਗੇ ਹੋਏ ਦੀਵੇ ਕਿਉਂ *ਬੁਝਾਉਣ ਲੱਗਿਐਂ*।
ਯਾਰਾ ਦੱਸ ਕਿਹੜੀ ਰੋਸ਼ਨੀ *ਜਗਾਉਣ ਲੱਗਿਐਂ*।
ਤੇਰਾ ਰੁਤਬਾ ਸੀ ਨਜ਼ਰਾਂ 'ਚ ਰੱਬ ਦੇ ਸਮਾਨ,
ਕਾਹਤੋਂ ਆਪਣਾ ਹੀ ਅਕਸ *ਮਿਟਾਉਣ ਲੱਗਿਐਂ*।
ਇੱਥੇ ਸਾਰੇ ਨੇ ਦੁਖੀ ਦੇਵੀਂ ਵਿਸ਼ਾ ਤੂੰ ਬਦਲ ,
ਕੁਝ ਵੱਖਰਾ ਸੁਣਾਈਂ, ਜੇ *ਸੁਣਾਉਣ ਲੱਗਿਐਂ*।
ਅਸਮਾਨਾਂ ਦੀ ਚਾਹਤ 'ਚ ਜ਼ਮੀਨ ਨਾ ਗਵਾ ਲਈਂ,
ਵਰਜੀ ਖੁਦ ਨੂੰ, ਜੇ ਪਰਾਂ ਨੂੰ *ਫੈਲਾਉਣ ਲੱਗਿਐਂ*।
ਤੱਤੀਆਂ ਹਵਾਵਾਂ 'ਤੇ ਬਲ਼ਾਵਾਂ ਵੀ ਨੇ ਏਥੇ,
ਕਾਹਤੋਂ ਖੌਫ਼ ਉਸ ਖ਼ੁਦਾ ਦਾ *ਭੁਲਾਉਣ ਲੱਗਿਐਂ*।
ਪਹਿਲਾਂ ਵਾਂਗ ਨਾ ਰੱਖੀਂ ਤੂੰ ਨੀਂਹ ਕਮਜ਼ੋਰ,
ਯਾਰਾ ਨਵਾਂ ਘਰ ਕੋਈ ਜੇ *ਬਣਾਉਣ ਲੱਗਿਐਂ*।
ਭੱਟੀ ਓਹਦਾ ਹੱਥ ਫੜ ਕੇ ਤੂੰ ਕਦੇ ਵੀ ਨਾ ਛੱਡੀਂ ,
ਸੁਣ ਸਾਨੂੰ ਜਿਹਦੇ ਕਰਕੇ *ਗਵਾਉਣ ਲੱਗਿਐਂ*। 
ਹੰਝੂਆਂ ਬਣ ਜਾਣਾ ਤੇਰੇ ਵੀ ਨੈਣਾਂ ਦਾ ਸ਼ਿੰਗਾਰ,
ਗੱਲ ਸੋਚ ਲਈਂ ਜੇ ਕਿਸੇ ਨੂੰ *ਰੁਵਾਉਣ ਲੱਗੀਐਂ*।
ਗੱਲ ਸੋਚ ਲਈਂ ਜੇ ਕਿਸੇ ਨੂੰ *ਰੁਵਾਉਣ ਲੱਗੀਐਂ*...
Comments (0)
Facebook Comments (0)