ਗੁਜਰਾਤ- ਸੂਰਤ ਵਿਚ ਇੱਕ ਅਜੀਬੋ ਗਰੀਬ ਮਾਮਲਾ ਸਾਹਮਣੇ ਆਇਆ ਹੈ। ਇਹ ਕਿਸੇ ਫਿਲਮੀ ਸੀਨ ਵਾਂਗ ਜਾਪਦਾ ਹੈ। ਜਦੋਂ ਵਿਆਹ ਦੀਆਂ ਤਿਆਰੀਆਂ ਵਿਚ ਲਾੜੇ ਦਾ ਪਿਓ ਲਾੜੀ ਦੀ ਮਾਂ ਨੂੰ ਭਜਾ ਕੇ ਲੈ ਗਿਆ। ਇਸ ਘਟਨਾ ਤੋਂ ਬਾਅਦ ਦੋਵੇਂ ਪੱਖਾਂ ਦੇ ਰਿਸ਼ਤੇਦਾਰ ਹੈਰਾਨ ਰਹਿ ਗਏ ਅਤੇ ਵਿਆਹ ਰੋਕਣਾ ਪਿਆ।

ਦੱਸਿਆ ਜਾ ਰਿਹਾ ਹੈ ਕਿ ਦੋਵੇਂ ਜਵਾਨੀ ਵਿਚ ਇਕ ਦੂਜੇ ਨੂੰ ਪਸੰਦ ਕਰਦੇ ਸਨ। ਵਿਆਹ ਦੌਰਾਨ ਇਕ ਵਾਰ ਫਿਰ ਪੁਰਾਣਾ ਪਿਆਰ ਪਰਵਾਨ ਚੜਿਆ ਅਤੇ ਦੋਵਾਂ ਨੇ ਇਕ ਦੂਜੇ ਨਾਲ ਭੱਜਣ ਦਾ ਵੱਡਾ ਕਦਮ ਚੁੱਕ ਲਿਆ। ਮੀਡੀਆ ਰਿਪੋਰਟਾਂ ਮੁਤਾਬਕ ਫਰਵਰੀ ਦੇ ਦੂਜੇ ਹਫ਼ਤੇ ਵਿਚ ਵਿਆਹ ਹੋਣਾ ਸੀ।

ਪਿਛਲੇ 10 ਦਿਨਾਂ ਤੋਂ ਲੜਕੇ ਦੇ 48 ਸਾਲ ਦੇ ਪਿਤਾ ਅਤੇ ਲੜਕੀ ਦੇ 46 ਸਾਲ ਦੀ ਮਾਂ ਗਾਇਬ ਦੱਸੇ ਜਾ ਰਹੇ ਹਨ। ਇਸ ਕਾਰਨ ਵਿਆਹ ਦੀਆਂ ਸਾਰੀਆਂ ਤਿਆਰੀਆਂ ਰੋਕਣੀਆਂ ਪਈਆਂ।ਮੀਡੀਆ ਰਿਪੋਰਟਾਂ ਮੁਤਾਬਕ ਲੜਕੇ ਦਾ ਪਰਿਵਾਰ ਕਟਾਰਗਾਮ ਇਲਾਕੇ ਵਿਚ ਰਹਿੰਦਾ ਹੈ।

ਉਥੇ ਲੜਕੀ ਦਾ ਘਰ ਨਵਸਾਰੀ ਇਲਾਕੇ ਵਿਚ ਹੈ। ਦੱਸ ਦਿਨਾਂ ਤੋਂ ਹੀ ਲੜਕੇ ਦਾ ਬਾਪ ਅਤੇ ਲੜਕੀ ਦੀ ਮਾਂ ਗਾਇਬ ਹਨ। ਪੁਲਿਸ ਮੁਤਾਬਕ ਇਹ ਮੰਨਿਆ ਜਾ ਰਿਹਾ ਹੈ ਕਿ ਦੋਵੇਂ ਇਕੱਠੇ ਭੱਜ ਗਏ ਹਨ। ਦੋਵਾਂ ਦੇ ਇਕੱਠੇ ਗਾਇਬ ਹੋਣ ਕਾਰਨ ਰਿਸ਼ਤੇਦਾਰਾਂ ਨੂੰ ਨਾਮੋਸ਼ੀ ਝੱਲਣੀ ਪੈ ਰਹੀ ਹੈ।

ਲੜਕਾ ਲੜਕੀ ਦੀ ਇਕ ਸਾਲ ਪਹਿਲਾਂ ਮੰਗਣੀ ਹੋਈ ਸੀ। ਵਿਆਹ ਨੂੰ ਲੈ ਕੇ ਦੋਵਾਂ ਘਰਾਂ ਵਿਚ ਤਿਆਰੀਆਂ ਚੱਲ ਰਹੀਆਂ ਸਨ। ਪਰ ਵਿਆਹ ਤੋਂ ਇਕ ਮਹੀਨਾ ਪਹਿਲਾਂ ਇਸ ਤਰ੍ਹਾਂ ਲੜਕੇ ਦੇ ਪਿਤਾ ਅਤੇ ਲੜਕੀ ਦੀ ਮਾਤਾ ਦਾ ਭੱਜ ਜਾਣਾ ਸਾਰਿਆਂ ਨੂੰ ਇਕ ਵੱਡਾ ਝਟਕਾ ਦੇ ਗਿਆ।