ਪ੍ਰਧਾਨ ਮੰਤਰੀ ਨਰਿੰਦਰ ਕੁਮਾਰ ਮੋਦੀ ਦੀ ਅਗਵਾਈ ਹੇਠ ਦੇਸ਼ ਭਾਰਤ ਤਰੱਕੀ ਦੀਆਂ ਮੰਜ਼ਿਲਾ ਵੱਲ ਵਧ ਰਿਹਾ ਹੈ !

ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਭਿੱਖੀਵਿੰਡ ਵਿਖੇ ਪਾਰਟੀ ਦੇ ਜ਼ਿਲ੍ਹਾ ਤਰਨਤਾਰਨ ਸੀਨੀਅਰ ਮੀਤ ਪ੍ਰਧਾਨ ਹੀਰਾ ਲਾਲ ਚੋਪੜਾ ਦੇ ਦਫ਼ਤਰ ਵਿਖੇ ਚੱਲ ਰਹੀ ਮੈਂਬਰਸ਼ਿਪ ਦੇ ਫਾਰਮ ਭਰਨ ਮੌਕੇ ਪ੍ਰੈੱਸ ਨਾਲ ਗੱਲਬਾਤ ਕਰਦਿਆਂ ਜ਼ਿਲ੍ਹਾ ਤਰਨਤਾਰਨ ਪ੍ਰਧਾਨ ਸਰਬਜੀਤ ਕੌਰ ਬਾਠ ਨੇ ਗੱਲਬਾਤ ਦੌਰਾਨ ਕੀਤਾ ,ਤੇ ਆਖਿਆ ਕਿ ਬੀ ਜੇ ਪੀ ਆਗੂਆਂ ਦੀ ਉਸਾਰੂ ਸੋਚ ਨਾਲ ਲੋਕ ਧੜਾਧੜ ਪਾਰਟੀ ਨਾਲ ਜੁੜ ਰਹੇ ਹਨ ,ਜਿਸ ਜਿਸ ਨਾਲ ਪੂਰੇ ਭਾਰਤ ਅੰਦਰ ਬੀ ਜੇ ਪੀ ਦੀਆਂ ਸਰਕਾਰਾਂ ਕਾਇਮ ਹੋ ਰਹੀਆਂ ਜੋ ਖੁਸ਼ੀ ਤੇ ਮਾਣ ਵਾਲੀ ਗੱਲ ਹੈ ! ਸਰਬਜੀਤ ਕੌਰ ਬਾਠ ਨੇ ਆਖਿਆ ਇਕੱਲੇ ਜ਼ਿਲ੍ਹਾ ਤਰਨ ਤਾਰਨ ਵਿੱਚ ਦਸ ਹਜ਼ਾਰ ਦੇ ਕਰੀਬ ਪਾਰਟੀ ਵਰਕਰਾਂ ਦੇ ਫਾਰਮ ਭਰਕੇ ਪਾਰਟੀ ਪ੍ਰਧਾਨ ਸ੍ਰੀ ਸ਼ਵੇਤ ਮਲਿਕ ਜੀ ਨੂੰ ਸੌਂਪੇ ਜਾਣਗੇ,ਤੇ ਪਾਰਟੀ ਦੀਆਂ ਨੀਤੀਆਂ ਨੂੰ ਘਰ ਘਰ ਪਹੁੰਚਾਇਆ ਜਾਵੇਗਾ ! ਉਨ੍ਹਾਂ ਨੇ ਕਿਹਾ ਕਿ ਜਿਸ ਦਿਨ ਤੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੇਸ਼ ਭਾਰਤ ਦੀ ਕਮਾਂਡ ਸੰਭਾਲੀ ਉਸ ਦਿਨ ਤੋਂ ਸਰਕਾਰ ਵੱਲੋਂ ਹਰ ਵਰਗ ਦੇ ਲੋਕਾਂ ਨੂੰ ਸੁੱਖ ਸਹੂਲਤਾਂ ਮੁਹੱਈਆ ਕਰਵਾਈਆਂ ਜਾ ਰਹੀਆਂ ਹਨ !

ਉਨ੍ਹਾਂ ਨੇ ਜ਼ਿਲ੍ਹਾ ਤਰਨ ਤਾਰਨ ਦੇ ਵੋਟਰਾਂ ਨੂੰ ਅਪੀਲ ਕੀਤੀ ਕਿ ਉਹ ਪਾਰਟੀ ਦੀ ਮੈਂਬਰਸ਼ਿਪ ਹਾਸਲ ਕਰਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਆਦਿ ਪਾਰਟੀ ਆਗੂਆਂ ਦੇ ਹੱਥ ਮਜ਼ਬੂਤ ਕਰਨ ਤਾਂ ਜੋ ਦੇਸ਼ ਭਾਰਤ ਅੱਗੇ ਵੱਧ ਸਕੇ ! ਇਸ ਮੌਕੇ ਹੀਰਾ ਲਾਲ ਚੋਪੜਾ,ਸਦਾਨੰਦ ਚੋਪੜਾ,ਰਾਜ ਕੁਮਾਰ ਚੋਪੜਾ, ਵਿਨੋਦ ਧਵਨ ,ਰਾਜ ਕੁਮਾਰ ਸ਼ਰਮਾ ,ਬਲਜੀਤ ਰਾਏ ਉੱਦੋਕੇ ਅਮਨ ਸ਼ਰਮਾ ਸਤਨਾਮ ਸਿੰਘ ਮੋਹਨ ਸਿੰਘ, ਰਵੇਲ ਸਿੰਘ ,ਗੁਰਚਰਨ ਸਿੰਘ , ਸਤਨਾਮ ਸਿੰਘ , ਨਰਿੰਦਰ ਸਿੰਘ ,ਮਿੰਟੂ ਜੁਲਕਾ ,ਕ੍ਰਿਸ਼ਨ ਲਾਲ ,ਪ੍ਰਸ਼ੋਤਮ ਦਾਸ, ਅਮਰੀਕ ਸਿੰਘ  ਸਮੇਤ ਆਦਿ ਹਾਜ਼ਰ ਸਨ !