ਮੁੰਬਈ(ਬਿਊਰੋ)- ਸ਼ਾਹਰੁਖ ਖਾਨ ਇਨ੍ਹੀਂ ਦਿਨੀਂ ਫਿਲਮਾਂ ਤੋਂ ਦੂਰ ਆਪਣੇ ਪਰਿਵਾਰ ਨਾਲ ਸਮਾਂ ਬਿਤਾ ਰਹੇ ਹਨ। ਫਿਲਹਾਲ ਉਨ੍ਹਾਂ ਨੇ ਇਕ ਬਿੱਗ ਬਜਟ ਫਿਲਮ ਸਾਇਨ ਕੀਤੀ ਹੈ, ਜੋ ਕਾਮਿਕ, ਐਕਸ਼ਨ, ਥ੍ਰਿਲਰ ਤਿੰਨਾਂ ਦਾ ਮਜ਼ਾ ਦੇਵੇਗੀ। ਇਸ ਦਾ ਨਿਰਦੇਸ਼ਨ ਰਾਜ ਨਿਦੀਮੋਰੂ ਅਤੇ ਕ੍ਰਿਸ਼ਣਾ ਡੀਕੇ ਕਰਨਗੇ। ਇਹ ਫਿਲਮ ਅਗਲੇ ਸਾਲ ਫਲੋਰ 'ਤੇ ਆ ਜਾਵੇਗੀ। ਸ਼ਾਹਰੁਖ ਇਸ ਤੋਂ ਪਹਿਲਾਂ ਸਕੂਨ ਦੇ ਪਲ ਬਿਤਾਉਣ ਲਈ ਪਤਨੀ ਗੌਰੀ ਖਾਨ ਨਾਲ ਯੂ.ਐੱਸ. ਵਿਚ ਛੁੱਟੀਆਂ ਮਨਾਉਣ ਜਾ ਪਹੁੰਚੇ ਹਨ।

ਸ਼ਾਹਰੁਖ ਨੇ ਇਸ ਦੌਰਾਨ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀਆਂ ਹਨ। ਇਸ ਦੇ ਨਾਲ ਹੀ ਸ਼ਾਹਰੁਖ ਖਾਨ ਨੇ ਲਿਖਿਆ,''ਆਖਿਰਕਾਰ ਕੈਲੀਫੋਰਨੀਆ ਵਿਚ ਸੂਰਜ ਨਿਕਲ ਆਇਆ। ਇਹ ਪੂਲ ਖੇਡਣ ਦਾ ਸਮਾਂ ਹੈ। ਮੈਂ ਆਪਣੇ ਲਾਸ ਏੰਜੇਲੇਸ ਦੇ ਵਿਲੇ ਵਿਚ...।''

ਇਸ ਦੌਰਾਨ ਪਹਿਲੀ ਵਾਰ ਸ਼ਾਹਰੁਖ ਖਾਨ ਆਲੀਸ਼ਾਨ ਘਰ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ। ਗੌਰੀ ਖਾਨ ਨੇ ਵੀ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਜਿੱਥੇ ਉਹ ਯੂ.ਐੱਸ. ਵਿਚ ਘੁੰਮਦੀ-ਫਿਰਦੀ ਨਜ਼ਰ ਆ ਰਹੀ ਹੈ। ਗੌਰੀ ਦੀ ਤਸਵੀਰ 'ਤੇ ਕੁਮੈਂਟ ਕਰਦਿਆਂ ਸ਼ਾਹਰੁਖ ਨੇ ਲਿਖਿਆ, 'ਲੁੱਕਿੰਗ ਫਿੱਟ।'

ਦੱਸ ਦੇਈਏ ਕਿ ਸ਼ਾਹਰੁਖ ਆਖਰੀ ਵਾਰ ਸਾਲ 2018 ਵਿਚ ਆਈ ਫਿਲਮ 'ਜ਼ੀਰੋ' 'ਚ ਨਜ਼ਰ ਆਏ ਸਨ। ਇਹ ਫਿਲਮ ਬਾਕਸ ਆਫਿਸ 'ਤੇ ਫਲਾਪ ਹੋ ਗਈ ਸੀ। ਇਸ ਵਿਚ ਸ਼ਾਹਰੁਖ ਨਾਲ ਕੈਟਰੀਨਾ ਕੈਫ ਅਤੇ ਅਨੁਸ਼ਕਾ ਸ਼ਰਮਾ ਵੀ ਸੀ। ਫਿਲਮ ਫਲਾਪ ਹੋਣ ਤੋਂ ਬਾਅਦ ਸ਼ਾਹਰੁਖ ਖਾਨ ਨੇ ਬ੍ਰੇਕ ਲੈਣ ਦਾ ਫੈਸਲਾ ਲਿਆ।