*ਮੇਰੀ ਅੱਖ*...-----*ਸ਼ਾਇਰ ਭੱਟੀ*
Fri 14 Feb, 2020 0
*ਮੇਰੀ ਅੱਖ*....
ਬਿਨ ਮੌਸਮੋਂ ਬਦਲੀ ਜਿਵੇਂ *ਵਰ੍ਹੀ* ਰਹਿੰਦੀ ਏ,
ਮੇਰੀ ਅੱਖ ਹੰਝੂਆਂ ਨਾਲ *ਭਰੀ* ਰਹਿੰਦੀ ਏ।
ਖਰਾਬ ਹੁੰਦੀ ਹਾਲਤ, ਹਾਲਾਤ ਵੇਖ ਕੇ,
ਲੋਕੋ ਮੇਰੇ ਘਰੇ ਵੀ ਇਕ *ਪਰੀ* ਰਹਿੰਦੀ ਏ।
ਸਭ ਜਾਣਦੇ ਅੰਤ ਬੁਰਾ ਹੈ ਬੁਰਾੲੀ ਦਾ,
ਫੇਰ ਵੀ ਜ਼ਮੀਰ ਏਥੇ *ਮਰੀ* ਰਹਿੰਦੀ ਏ।
ਹੁਣ ਸਾਫ਼ ਨਹੀਂ ਰਹੇ ਪਾਣੀ ਵੀ ਦਰਿਆਵਾਂ ਦੇ,
ਵਿੱਚ ਦੂਜੇ ਦਿਨ ਲਾਸ਼ ਕੋਈ *ਤਰੀ* ਰਹਿੰਦੀ ਏ।
ਕਿਸਾਨਾਂ ਪੱਲੇ ਪਾਇਆ ਹੈ,ਸੋਕਾ ਸਰਕਾਰ ਨੇ,
ਫਸਲ ਤਾਂ ਖੇਤਾਂ 'ਚ *ਹਰੀ - ਭਰੀ* ਰਹਿੰਦੀ ਏ।
ਸ਼ਰੇਆਮ ਅਪਰਾਧ ਕਰ ਸੜਕਾਂ 'ਤੇ ਘੁੰਮਦੀ,
ਟੋਲੀ ਚੋਰਾਂ ਦੀ ਅਦਾਲਤਾਂ ਚੋਂ *ਬਰੀ* ਰਹਿੰਦੀ ਏ।
ਜਿਸ ਦਿਨ ਨਹੀਂ ਮਿਲਦੀ ਦਿਹਾੜੀ ਮਜਦੂਰ ਨੂੰ,
ਜਿੰਦ ਤਪਦੀ ਦੁਪਹਿਰ ਵਿਚ *ਠਰੀ* ਰਹਿੰਦੀ ਏ।
ਕਿਤੇ ਕਰ ਹੀ ਨਾ ਦੇਣ ਭੱਟੀ ਪਾਕ ਨੂੰ ਨਾਪਾਕ,
ਸੱਚੀ ਮੁਹੱਬਤ ਝੂਠੇ ਆਸ਼ਕਾਂ ਤੋਂ *ਡਰੀ* ਰਹਿੰਦੀ ਏ।
। *ਸ਼ਾਇਰ ਭੱਟੀ*
98729-89193
Comments (0)
Facebook Comments (0)