ਹਲਕਾ ਵਿਧਾਇਕ ਨੇ ਸਟੇਡੀਅਮ ਤੇ ਜਿੰਮ ਬਣਾਉਣ ਦਾ ਕੀਤਾ ਐਲਾਨ
ਰਾਕੇਸ਼ ਬਾਵਾ/ਪਰਮਿੰਦਰ ਚੋਹਲਾ
ਚੋਹਲਾ ਸਾਹਿਬ 24 ਫਰਵਰੀ 2020 
ਇਥੋਂ ਨਜ਼ਦੀਕ ਪਿੰਡ ਵਰਿਆਂ ਵਿਖੇ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਕੈਨੇਡਾ ਦੇ ਵਸਨੀਕ ਅਤੇ ਮਾਝਾ ਸਪੋਰਟਸ ਕਲੱਬ ਵਰਿਆਂ ਦੇ ਪ੍ਰਧਾਨ ਸੰਦੀਪ ਸਿੰਘ ਵੱਲੋਂ ਇਲਾਕਾ ਨਿਵਾਸੀਆਂ ਦੇ ਸਹਿਯੋਗ ਨਾਲ ਵਾਲੀਬਾਲ ਟੂਰਨਾਮੈਂਟ ਕਰਵਾਇਆ ਗਿਆ।ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਪਿੰਡ ਦੇ ਸਰਪੰਚ ਮਨਜੀਤ ਸਿੰਘ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਹਰ ਸਾਲ ਦੀ ਤਰਾਂ ਇਸ ਸਾਲ ਵੀ ਪਿੰਡ ਵਿੱਚ ਅੰਤਰਰਾਸ਼ਟਰੀ ਵਾਲੀਬਾਲ ਟੂਰਨਾਮੈਂਟ ਮਾਝਾ ਸਪੋਰਟਸ ਕਲੱਬ ਵੱਲੋਂ ਵੱਡੇ ਪੱਧਰ ਤੇ ਮਨਾਇਆ ਗਿਆ ਹੈ।ਜਿਸ ਵਿੱਚ ਪੂਰੇ ਭਾਰਤ ਵਿੱਚੋਂ ਨਾਮਵਰ ਟੀਮਾਂ ਨੇ ਵੱਧ ਚੜ੍ਹਕੇ ਹਿੱਸਾ ਲਿਆ।ਉਹਨਾਂ ਕਿਹਾ ਕਿ ਇਸ ਟੂਰਨਾਮੈਂਟ ਵਿੱਚ ਮੁੱਖ ਮਹਿਮਾਨ ਵਜੋਂ ਪਹੁੰਚੇ ਹਲਕਾ ਖਡੂਰ ਸਾਹਿਬ ਤੋਂ ਵਿਧਾਇਕ ਰਮਨਜੀਤ ਸਿੰਘ ਸਿੱਕੀ ਵੱਲੋਂ ਰਿਬਨ ਕੱਟਕੇ ਟੂਰਨਾਮੈਂਟ ਦੀ ਸ਼ੁਰੂਆਤ ਕੀਤੀ ਗਈ।ਸਾਰਾ ਦਿਨ ਟੀਮਾਂ ਵੱਲੋਂ ਆਪਣੀ-ਆਪਣੀ ਕਲਾ ਦੇ ਜ਼ੌਹਰ ਦਿਖਾਏ ਗਏ ਅਤੇ ਜੇਤੂ ਟੀਮਾਂ ਵਿੱਚੋਂ ਪਹਿਲੇ ਨੰਬਰ ਤੇ ਆਉਣ ਵਾਲੀ ਟੀਮ ਨੂੰ ਇਨਾਮ ਵਜੋਂ ਮੋਟਰਸਾਇਕਲ ਦਿੱਤਾ ਗਿਆ।ਇਸੇ ਤਰ੍ਰਾਂ ਕਰਮਵਾਰ ਦੂਜੇ ਅਤੇ ਤੀਜੇ ਨੰਬਰ ਤੇ ਆਉਣ ਵਾਲੀਆਂ ਟੀਮਾਂ ਨੂੰ ਸੋਨੇ ਦੀਆਂ ਮੁੰਦਰੀਆਂ,ਨਗਦ ਰਾਸ਼ੀ ਅਤੇ ਸਨਮਾਨਚਿੰਨ ਦੇਕੇ ਸਨਮਾਨਿਤ ਕੀਤਾ ਗਿਆ।ਇਸ ਸਮੇਂ ਮੁੱਖ ਮਹਿਮਾਨ ਵਜੋਂ ਸਿ਼ਰਕਤ ਕਰਨ ਵਾਲੇ ਹਲਕਾ ਵਿਧਾਇਕ ਰਮਨਜੀਤ ਸਿੰਘ ਸਿੱਕੀ ਨੇ ਹਾਜ਼ਰੀਨ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਪ੍ਰਧਾਨ ਸੰਦੀਪ ਸਿੰਘ ਕੈਨੇਡਾ ਵਾਲਾ ਬਹੁਤ ਹੀ ਹੋਣਹਾਰ ਅਤੇ ਸੂਝਵਾਨ ਲੜਕਾ ਹੈ ਜ਼ੋ ਇਲਾਕੇ ਦੇ ਨੌਜਵਾਨਾਂ ਨੂੰ ਨਾਲ ਲੈਕੇ ਚੱਲਦਾ ਹੈ ਅਤੇ ਨੌਜਵਾਨਾਂ ਨੂੰ ਖੇਡਾਂ ਵੱਲ ਪ੍ਰੇਰਤ ਕਰਨ ਲਈ ਦਿਲਖਿਚਵੇਂ ਇਨਾਮ ਵੀ ਦਿੰਦਾ ਹੈ।ਇਸ ਸਮੇਂ ਹਲਕਾ ਵਿਧਾਇਕ ਰਮਨਜੀਤ ਸਿੰਘ ਸਿੱਕੀ ਨੇ ਐਲਾਨ ਕੀਤਾ ਕਿ ਉਹਨਾਂ ਵੱਲੋਂ ਅਗਲੇ ਸਾਲ ਦੇ ਟੂਰਨਾਮੈਂਟ ਤੋਂ ਪਹਿਲਾਂ ਪਿੰਡ ਵਿੱਚ ਜਿੰਮ ਅਤੇ ਸਟੇਡੀਅਮ ਦੀ ਸਹੂਲਤ ਮੁਹਈਆ ਕਰਵਾਈ ਜਾਵੇਗੀ ਤਾਂ ਜ਼ੋ ਪਿੰਡ ਅਤੇ ਆਸ ਪਾਸ ਦੇ ਨੌਜਵਾਨਾਂ ਨੂੰ ਕਿਸੇ ਕਿਸਮ ਦੀ ਮੁਸ਼ਕਿਲ ਨਾ ਆਵੇ।

ਇਸ ਸਮੇਂ ਚੈਅ:ਗੁਰਮਹਾਂਵੀਰ ਸਿੰਘ ਸਰਹਾਲੀ,ਯੂਥਵਿੰਗ ਪ੍ਰਧਾਨ ਸਵਰਾਜ ੰਿਸੰਘ,ਸੀਨੀਅਰ ਕਾਂਗਰਸੀ ਆਗੂ ਸ਼ੁਬੇਗ ਸਿੰਘ ਧੁੰਨ,ਜੱਸ ਲਾਲਪੁਰ,ਜਰਮਨ ਕੰਗ ਪੀ.ਏ.ਹਲਕਾ ਵਿਧਾਇਕ,ਸਾਬਕਾ ਸਰਪੰਚ ਹੀਰਾ ਸਿੰਘ,ਮੈਂਬਰ ਅਮਰਜੀਤ ਕੌਰ,ਬਲਵੰਤ ਸਿੰਘ,ਬਲਕਾਰ ਸਿੰਘ ਬਿਜਲੀ ਬੋਰਡ ਵਾਲੇ,ਗਿਆਨ ਸਿੰਘ,ਸੰਤੋਖ ਸਿੰਘ,ਸੰਦੀਪ ਸਿੰਘ,ਰਾਜਵਿੰਦਰ ਸਿੰਘ,ਸੋਨੂੰ ਜਰਮਨ,ਯੁਗਰਾਜ ਸਿੰਘ,ਕਾਲਾ ਸਿੰਘ,ਤਰਲੋਕ ਸਿੰਘ,ਸੋਹਣ ਸਿੰਘ,ਬੂਟਾ ਸਿੰਘ,ਹਰਜੀਤ ਸਿੰਘ ਮੁਨਸ਼ੀ,ਸੁਖਰਾਜ ਸਿੰਘ ਪਟਵਾਰੀ ਆਦਿ ਇਲਾਕੇ ਦੇ ਪਤਵੰਤੇ ਅਤੇ ਮੋਹਤਬਾਰ ਵਿਆਕਤੀ ਹਾਜ਼ਰ ਸਨ।