ਚੋਹਲਾ ਸਾਹਿਬ 22 ਅਕਤੂਬਰ (ਸਨਦੀਪ ਸਿੱਧੂ,ਪਰਮਿੰਦਰ ਚੋਹਲਾ)
            ਤਰਕਸ਼ੀਲ ਸੁਸਾਇਟੀ ਪੰਜਾਬ ਦੀ ਸੂਬਾ ਕਮੇਟੀ ਦੀਆਂ ਹਦਾਇਤਾਂ ਮੁਤਾਬਕ ਛੇਵੀਂ ਚੇਤਨਾ ਪਰਖ ਪ੍ਰੀਖਿਆ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਚੋਹਲਾ ਸਹਿਬ  ਵਿਖੇ  ਆਯੋਜਿਤ ਕੀਤੀ ਗਈ।ਇਸ ਪ੍ਰੀਖਿਆ ਵਿੱਚ ਸਰਕਾਰੀ ਕੰਨਿਆ ਸਕੂਲ ਦੀਆਂ 92 ਲੜਕੀਆਂ ਨੇ ਭਾਗ ਲਿਆ ।ਜਿੰਨਾ ਵਿੱਚ 37 ਲੜਕੀਆਂ ਸੈਕੰਡਰੀ ਗਰੁੱਪ ਦੀਆਂ ਸਨ ਅਤੇ 55 ਲੜਕੀਆਂ ਮਿਡਲ ਗਰੁੱਪ ਦੀਆਂ ਸਨ। ਇਸੇ ਤਰ੍ਹਾਂ ਗੁਰੂ ਅਰਜਨ ਦੇਵ ਪਬਲਿਕ ਸਕੂਲ ਚੋਹਲਾ ਸਹਿਬ  ਦੇ 38 ਬੱਚਿਆਂ ਨੇ ਭਾਗ ਲਿਆ ਸੀ।ਤਰਕਸ਼ੀਲ ਆਗੂ  ਸੁਖਵਿੰਦਰ ਸਿੰਘ ਖਾਰਾ ਨੇ ਵਿਿਦਆਰਥੀ ਚੇਤਨਾ ਪਰਖ ਪ੍ਰੀਖਿਆ ਦੇ ਮਕਸਦ ਬਾਰੇ ਬੱਚਿਆਂ ਨੂੰ  ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਵਹਿਮਾਂ-ਭਰਮਾਂ,ਭੂਤ-ਪ੍ਰੇਤਾਂ, ਅੰਧਵਿਸ਼ਵਾਸਾਂ ਵਿੱਚੋਂ ਕੱਢ ਕੇ ਉਹਨਾਂ ਦੀ ਵਿਿਗਆਨਕ ਸੋਚ ਬਣਾਉਣਾ ਹੈ ਅਤੇ ਦੇਸ਼ ਦੇ ਮਹਾਨ ਦੇਸ਼ ਭਗਤਾਂ ਦੀਆਂ ਕੁਰਬਾਨੀਆਂ ਬਾਰੇ ਜਾਣਕਾਰੀ ਦੇਣਾ ਹੈ । ਇਸ ਤੋਂ ਬਾਅਦ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਦੇ ਪ੍ਰਿੰਸੀਪਲ ਅਤੇ  ਸਟਾਫ ਦੀ ਹਾਜਰੀ ਵਿੱਚ ਪ੍ਰਸ਼ਨ ਪੱਤਰ ਵਾਲਾ ਸੀਲਬੰਦ ਲਿਫਾਫਾ ਖੋਲਿਆ ਗਿਆ । ਬੱਚਿਆਂ ਦੇ ਨਕਲ ਰਹਿਤ ਅਤੇ  ਵਧੀਆ ਢੰਗ ਨਾਲ ਪੇਪਰ ਲੈਣ ਲਈ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਦੇ ਅਧਿਆਪਕਾਂ ਦਾ  ਵਿਸ਼ੇਸ਼ ਯੋਗਦਾਨ ਰਿਹਾ ।ਤਰਕਸ਼ੀਲ ਸੁਸਾਇਟੀ ਵਲੋਂ ਮਾਸਟਰ ਨਿਸ਼ਾਨ ਸਿੰਘ ਚੋਹਲਾ , ਮਾਸਟਰ ਅਵਤਾਰ ਸਿੰਘ ਇਕਾਈ ਮੁਖੀ, ਮਾਸਟਰ ਦਲਬੀਰ ਸਿੰਘ ਚੰਬਾ, ਮਾਸਟਰ ਗੁਰਨਾਮ ਸਿੰਘ, ਬਲਬੀਰ ਸਿੰਘ ਬੱਲੀ, ਸੁਖਵਿੰਦਰ ਸਿੰਘ ਖਾਰਾ  ਨੇ ਪ੍ਰੀਖਿਆ ਨੂੰ ਸਫਲਤਾਪੂਰਵਕ ਨੇਪੜੇ ਚਾੜਣ ਵਿਚ ਜੁੰਮੇਵਾਰੀ ਨਿਭਾਈ।ਅਖੀਰ ਵਿੱਚ ਮਾਸਟਰ ਦਲਬੀਰ ਸਿੰਘ  ਚੰਬਾ ਨੇ ਦੋਵਾਂ ਸਕੂਲਾਂ ਦੇ ਸਟਾਫ ਦਾ, ਤਹਿ ਦਿਲੋ ਧੰਨਵਾਦ ਕੀਤਾ ਗਿਆ ਸੀ।