ਫਰੈਂਚ ਓਪਨ: ਐਸ਼ਲੇ ਬਾਰਟੀ ਫਰੈਂਚ ਓਪਨ ਦਾ ਖ਼ਿਤਾਬ ਜਿੱਤਣ ਵਾਲੀ ਪਹਿਲੀ ਆਸਟਰੇਲਿਆਈ ਖਿਡਾਰਨ ਬਣੀ

Sun 16 Jun, 2019 0
ਫਰੈਂਚ ਓਪਨ: ਐਸ਼ਲੇ ਬਾਰਟੀ ਫਰੈਂਚ ਓਪਨ ਦਾ ਖ਼ਿਤਾਬ ਜਿੱਤਣ ਵਾਲੀ ਪਹਿਲੀ ਆਸਟਰੇਲਿਆਈ ਖਿਡਾਰਨ ਬਣੀ

ਅੱਠਵਾਂ ਦਰਜਾ ਪ੍ਰਾਪਤ ਐਸ਼ਲੇ ਬਾਰਟੀ ਨੇ ਫਰੈਂਚ ਓਪਨ ਦੇ ਮਹਿਲਾ ਸਿੰਗਲਜ਼ ਫਾਈਨਲ ਵਿੱਚ  ਚੈੱਕ ਗਣਰਾਜ ਦੀ 19 ਸਾਲ ਦੀ ਮਾਰਕੇਟ ਵੋਂਦਰੋਯੂਸੋਵਾ ਨੂੰ ਹਰਾ ਕੇ ਆਪਣਾ ਪਹਿਲਾ ਗਰੈਂਡ ਸਲੇਮ ਖ਼ਿਤਾਬ ਹਾਸਲ ਕੀਤਾ। ਇਸ ਜਿੱਤ ਦੇ ਨਾਲ ਹੀ ਬਾਰਟੀ 46 ਸਾਲ ਮਗਰੋਂ ਫਰੈਂਚ ਓਪਨ ਦਾ ਖ਼ਿਤਾਬ ਜਿੱਤਣ ਵਾਲੀ ਪਹਿਲੀ ਆਸਟਰੇਲਿਆਈ ਖਿਡਾਰਨ ਬਣ ਗਈ। ਇਸ ਤੋਂ ਪਹਿਲਾਂ 1973 ਵਿੱਚ ਮਾਰਗਰੇਟ ਕੋਰਟ ਪੈਰਿਸ ਵਿੱਚ ਚੈਂਪੀਅਨ ਬਣਨ ਵਾਲੀ ਆਸਟਰੇਲਿਆਈ ਖਿਡਾਰਨ ਸੀ।
23 ਸਾਲ ਦੀ ਬਾਰਟੀ ਨੇ ਸਿਰਫ਼ 70 ਮਿੰਟ ਵਿੱਚ ਇਕਪਾਸੜ ਖ਼ਿਤਾਬੀ ਮੁਕਾਬਲੇ ਨੂੰ 6-1, 6-3 ਨਾਲ ਆਪਣੇ ਨਾਮ ਕੀਤਾ। ਬਾਰਟੀ ਨੂੰ ਇਸ ਜਿੱਤ ਦਾ ਫ਼ਾਇਦਾ ਰੈਂਕਿੰਗ ਵਿੱਚ ਵੀ ਮਿਲੇਗਾ। ਅਗਲੇ ਹਫ਼ਤੇ ਜਾਰੀ ਹੋਣ ਵਾਲੀ ਰੈਂਕਿਗਜ਼ ਵਿੱਚ ਉਹ ਜਾਪਾਨ ਦੀ ਨਾਓਮੀ ਓਸਾਕਾ ਮਗਰੋਂ ਦੂਜੇ ਸਥਾਨ ’ਤੇ ਪਹੁੰਚ ਜਾਵੇਗੀ।