ਰਾਕੇਸ਼ ਬਾਵਾ / ਪਰਮਿੰਦਰ ਚੋਹਲਾ
ਚੋਹਲਾ ਸਾਹਿਬ 15 ਮਾਰਚ 2020 
ਕਸਬਾ ਚੋਹਲਾ ਸਾਹਿਬ ਵਿਖੇ ਸਥਿਤ `ਕ੍ਰਿਸ਼ਨਾ ਗਊਸ਼ਾਲਾ` ਦੀ ਕਮੇਟੀ ਨੂੰ ਦਾਨੀ ਸੱਜਣਾਂ ਵੱਲੋਂ ਸਮੇਂ ਸਮੇਂ ਤੇ ਨਗਦ ਰਾਸ਼ੀ,ਤੂੜੀ,ਹਰਾ ਚਾਰਾ ਆਦਿ ਦਾਨ ਕੀਤਾ ਜਾ ਰਿਹਾ ਹੈ।ਇਸੇ ਲੜੀ ਤਹਿਤ ਅੱਜ ਕ੍ਰਿਸ਼ਨਾ ਗਊਸ਼ਾਲਾ ਚੋਹਲਾ ਸਾਹਿਬ ਦੀ ਕਮੇਟੀ ਨੂੰ ਦਾਨੀ ਸੱਜਣ ਰਾਹੁਲ ਚਾਵਲਾ ਆਸਟ੍ਰੇਲੀਆ ਵੱਲੋਂ ਇੱਕ ਲੱਖ ਰੁਪੈ ਨਗਦ ਅਤੇ ਨਰਿੰਦਰ ਸਿੰਘ ਸਪੁੱਤਰ ਦਿਆਲ ਸਿੰਘ ਸਰਪੰਚ ਗਗੜੇਵਾਲ ਵੱਲੋਂ ਇੱਕੀ ਹਜ਼ਾਰ ਰੁਪੈ ਨਗਦ ਦਾਨ ਦਿੱਤਾ ਗਿਆ ਇਸਤੋ਼ ਇਲਾਵਾ ਪਸ਼ੂਆਂ ਦੇ ਚਾਰੇ ਲਈ ਅਸ਼ਵਨੀ ਕੁਮਾਰ ਚੋਹਲਾ ਸਾਹਿਬ ਵੱਲੋਂ ਇੱਕ ਪੱਠੇ ਕੁਤਰਣ ਵਾਲਾ ਟੋਕਾ ਵੀ ਦਾਨ ਕੀਤਾ ਗਿਆ।ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਗਊਸ਼ਾਲਾ ਦੇ ਪ੍ਰਧਾਨ ਭੁਪਿੰਦਰ ਕੁਮਾਰ ਨਈਅਰ ਨੇ ਦੱਸਿਆ ਕਿ ਇਸ ਗਊਸ਼ਾਲਾ ਵਿੱਚ 100 ਦੇ ਕਰੀਬ ਗਾਵਾਂ ਮਾਜੂਦ ਹਨ ਜਿੰਨਾਂ ਦੀ ਦੇਖ-ਭਾਲ ਲਈ ਸਮੇਂ ਸਮੇਂ ਦਾਨੀ ਸੱਜਣਾਂ ਵੱਲੋਂ ਦਾਨ ਦੇ ਰੂਪ ਵਿੱਚ ਤੂੜੀ,ਹਰਾ ਚਾਰਾ ਅਤੇ ਨਗਦ ਰਾਸ਼ੀ ਦਾਨ ਦੇ ਰੂਪ ਵਿੱਚ ਦਿੱਤੀ ਜਾ ਰਹੀ ਹੈ ਅਤੇ ਇਹ ਗਊਸ਼ਾਲਾ ਹੁਣ ਤੱਕ ਦਾਨੀ ਸੱਜਣਾਂ ਦੇ ਆਸਰੇ ਹੀ ਚੱਲ ਰਹੀ ਹੈ ਅਜੇ ਤੱਕ ਕਿਸੇ ਵੀ ਸਰਕਾਰ ਨੇ ਉਹਨਾਂ ਨੂੰ ਇਹਨਾਂ ਗਾਵਾਂ ਦੀ ਦੇਖਭਾਲ ਲਈਕੋਈ ਸਹਾਇਤਾ ਨਹੀਂ ਕੀਤੀ।ਉਹਨਾ ਦਾਨ ਦੇਣ ਵਾਲੇ ਸੱਜਣਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ।ਇਸ ਸਮੇਂ ਚੈਅ:ਰਵਿੰਦਰ ਸਿੰਘ ਸ਼ੈਟੀ ,ਸੀਨੀਅਰ ਕਾਂਗਰਸੀ ਆਗੂ ਸੁ਼ਬੇਗ ਸਿੰਘ ਧੁੰਨ, ਲਖਬੀਰ ਸਿੰਘ ਸਰਪੰਚ ਤਰਸੇਮ ਕੁਮਾਰ ਨਈਅਰ ਮੀਤ ਪ੍ਰਧਾਨ,ਪਰਮਜੀਤ ਜ਼ੋਸ਼ੀ ਸੈਕਟਰੀ,ਪਰਦੀਪ ਕੁਮਾਰ ਚੋਪੜਾ,ਪਵਨ ਕੁਮਾਰ ਦੇਵਗਨ ਕੈਸ਼ੀਅਰ,ਕਰਨ ਨਈਅਰ,ਕੁਲਵੰਤ ਨਈਅਰ,ਨੰਬਰਦਾਰ ਕਰਤਾਰ ਸਿੰਘ,ਅਮਰੀਕ ਸਿੰਘ,ਬਲਦੇਵ ਰਾਜ ਬੀ.ਡੀ.ਪੀ.ਓ.,ਰਮਨ ਕੁਮਾਰ ਧੀਰ,ਬਬਲੀ ਸ਼ਾਹ,ਸ਼ਾਮ ਸੰੁਦਰ ਆਦਿ ਹਾਜ਼ਰ ਸਨ।