ਦੋ ਦਿਨ ਘਰ ਘਰ ਜਾਕੇ ਪਿਆਈਆਂ ਜਾਣਗੀਆਂ ਬੰੂਦਾਂ : ਡਾਕਟਰ ਨਵਦੀਪ ਕੌਰ ਬੁਟਰ
ਚੋਹਲਾ ਸਾਹਿਬ 10 ਦਸੰਬਰ (ਸਨਦੀਪ ਸਿੱਧੂ,ਪਰਮਿੰਦਰ ਚੋਹਲਾ)
ਡਿਪਟੀ ਕਮਿਸ਼ਨਰ ਤਰਨ ਤਾਰਨ ਸੰਦੀਪ ਕੁਮਾਰ , ਸਿਵਲ ਸਰਜਨ ਡਾ। ਗੁਰਪ੍ਰੀਤ ਰਾਏ , ਜ਼ਿਲ੍ਹਾ ਟੀਕਾਕਰਨ ਅਫਸਰ ਡਾ ਵਰਿੰਦਰਪਾਲ ਕੌਰ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਅੱਜ ਸੀਐੱਚਸੀ ਸਰਹਾਲੀ ਅਧੀਨ ਆਉੰਦੇ 53 ਪਿੰਡਾਂ ਵਿੱਚ ਪਲਸ ਪੋਲੀਓ ਮੁਹਿੰਮ ਦਾ ਆਗਾਜ਼ ਕੀਤਾ ਗਿਆ । 3 ਰੋਜ਼ਾ ਪਲਸ ਪੋਲੀਓ ਮੁਹਿੰਮ ਦਾ ਆਰੰਭ ਸੀਨੀਅਰ ਮੈਡੀਕਲ ਅਫਸਰ ਸੀਐੱਚਸੀ ਸਰਹਾਲੀ ਡਾ ਨਵਦੀਪ ਕੌਰ ਬੁੱਟਰ ਵੱਲੋੰ ਬੱਚਿਆਂ ਨੂੰ ਪੋਲੀਓ ਬੂੰਦਾਂ ਪਿਆ ਕੇ ਕੀਤਾ ਗਿਆ । ਇਸ ਮੌਕੇ ਜਾਣਕਾਰੀ ਦਿੰਦਿਆਂ ਡਾ ਬੁੱਟਰ ਨੇ ਦੱਸਿਆ ਕਿ ਸੀਐੱਚਸੀ ਸਰਹਾਲੀ ਅਧੀਨ ਆਉੰਦੇ ਪਿੰਡਾ ਵਿੱਚ 12 ਦਸੰਬਰ ਤਕ 0ਤੋੰ 5 ਸਾਲ ਦੇ 10,398 ਬੱਚਿਆਂ ਨੂੰ ਪੋਲੀਓ ਬੂੰਦਾਂ ਪਿਆਈਆਂ ਜਾਣਗੀਆਂ ।ਉਹਨਾਂ ਦੱਸਿਆ ਕਿ ਸੀਐੱਚਸੀ ਸਰਹਾਲੀ ਵੱਲੋੰ 0 ਤੋੰ 5 ਸਾਲ ਦੇ ਬੱਚਿਆਂ ਨੂੰ ਪੋਲੀਓ ਬੂੰਦਾਂ ਪਿਆਉਣ ਲਈ 62 ਟੀਮਾਂ ਦਾ ਗਠਨ ਕੀਤਾ ਗਿਆ ਹੈ ਜਦਕਿ ਝੁੱਗੀ- ਝੌੰਪੜੀ , ਭੱਠਿਆਂ ਵਿੱਚ 6 ਮੋਬਾਈਲ ਟੀਮਾਂ ਵੱਲੋੰ ਪੋਲੀਓ ਬੂੰਦਾਂ ਪਿਆਈਆਂ ਜਾਣਗੀਆਂ । ਜ਼ਿਲ੍ਹਾ ਟੀਕਾਕਰਨ ਅਫਸਰ ਡਾ। ਵਰਿੰਦਰਪਾਲ ਕੌਰ , ਡਿਪਟੀ ਮਾਸ ਮੀਡੀਆ ਅਫਸਰ ਅਮਰਦੀਪ ਸਿੰਘ , ਐੱਲਐੱਚਵੀ ਰਣਜੀਤ ਕੌਰ ਵੱਲੋੰ ਸੀਐੱਚਸੀ ਸਰਹਾਲੀ ਦੇ ਪੋਲੀਓ ਬੂਥਾਂ ਦੀ ਚੈਕਿੰਗ ਕੀਤੀ ਗਈ ।ਇਸ ਮੌਕੇ ਹਰਦੀਪ ਸਿੰਘ ਬੀਈਈ ਨੇ ਦੱਸਿਆ ਕਿ ਅੱਜ ਪਹਿਲੇ ਦਿਨ ਸਿਹਤ ਵਿਭਾਗ ਦੀਆਂ ਟੀਮਾਂ ਵੱਲੋੰ 6299 ਬੱਚਿਆਂ ਨੂੰ ਪੋਲੀਓ ਬੂੰਦਾਂ ਪਿਆਈਆਂ ਗਈਆਂ ਹਨ ਜਦਕਿ ਅਗਲੇ 2 ਦਿਨ ਟੀਮਾਂ ਵੱਲੋੰ ਘਰ-ਘਰ ਜਾਕੇ ਪੋਲੀਓ ਬੂੰਦਾਂ ਪਿਆਈਆਂ ਜਾਣਗੀਆਂ ।ਇਸ ਮੌਕੇ ਐੱਲ ਐੱਚ ਵੀ ਸੁਰਿੰਦਰ ਕੌਰ , ਬਲਵਿੰਦਰ ਕੌਰ , ਰਜਵੰਤ ਕੌਰ , ਵਿਸ਼ਾਲ ਕੁਮਾਰ , ਮਨਦੀਪ ਸਿੰਘ , ਡਾਕਟਰ ਵਿਵੇਕ ਸ਼ਰਮਾ ਬਿਹਾਰੀ ਲਾਲ ਅਤੇ ਸੀਐੱਚਸੀ ਸਰਹਾਲੀ ਦਾ ਸਮੂਹ ਸਟਾਫ ਹਾਜ਼ਰ ਸੀ ।